ଜିସୁନ୍ ଡ ପିତ୍ରନ୍
15 ଆନିଞ୍ଜି ଆଗ୍ରାଗାଲଞ୍ଜି ସିଲଡ୍ଲ୍ଲନ୍ ଜିସୁନ୍ ସିମନ୍ ପିତ୍ରନ୍ଆଡଙ୍ ବରେନ୍, "ଏ ଜନନ୍ ଆ ଡାଙ୍ଗଡ଼ାଅନ୍ ସିମନ୍, ଆମନ୍ କେନ୍ଆନିଞ୍ଜି ସିଲଡ୍ ଞେନ୍ଆଡଙ୍ ଗୋଗୋୟ୍ ଡୁଙ୍ୟମ୍ତିଁୟ୍ ପଙ୍ ?"
ଆନିନ୍ ଜିସୁନ୍ଆଡଙ୍ ଜାଲଙେନ୍, "ଓଓ, ପ୍ରବୁ, ଞେନ୍ ଆମନ୍ଆଡଙ୍ ଡୁଙ୍ୟମ୍ତମ୍, ତିଆତେ ଆମନ୍ ଜନା ।"
ଜିସୁନ୍ ଆନିନ୍ଆଡଙ୍ ବରେନ୍, "ଆଅନ୍ ମେଣ୍ଡାଞେଞ୍ଜି ତୁରାଜି ।" 16 ଜିସୁନ୍ ଆରି ବତର ଆନିନ୍ଆଡଙ୍ ବରେନ୍, "ଏ ଜନନ୍ ଆ ଡାଙ୍ଗଡ଼ାଅନ୍ ସିମନ୍, ଆମନ୍ ଞେନ୍ଆଡଙ୍ ଡୁଙ୍ୟମ୍ତିଁୟ୍ ପଙ୍ ?"
ଆନିନ୍ ଜିସୁନ୍ଆଡଙ୍ ଜାଲଙେନ୍, "ଓଓ, ପ୍ରବୁ, ଞେନ୍ ଆମନ୍ଆଡଙ୍ ଡୁଙ୍ୟମ୍ତମ୍, ତିଆତେ ଆମନ୍ ଜନା ।"
ଜିସୁନ୍ ଆନିନ୍ଆଡଙ୍ ବରେନ୍, "ମେଣ୍ଡାଞେଞ୍ଜି ଜୁବାୟାଜି ।" 17 ଜିସୁନ୍ ୟାଗି ତର ଆନିନ୍ଆଡଙ୍ ବରେନ୍, "ଏ ଜନନ୍ ଆ ଡାଙ୍ଗଡ଼ାଅନ୍ ସିମନ୍, ଆମନ୍ ଞେନ୍ଆଡଙ୍ ଡୁଙ୍ୟମ୍ତିଁୟ୍ ପଙ୍ ?"
ଜିସୁନ୍ ଏନ୍ନେଲେ ୟାଗି ତର ଆନିନ୍ଆଡଙ୍ ଆବର୍ରେନ୍ ସିଲଡ୍ଲ୍ଲନ୍, ଆନିନ୍ ଜିସୁନ୍ଆଡଙ୍ ଜାଲଙେନ୍, "ପ୍ରବୁ, ଆମନ୍ ଅଡ଼୍କୋନ୍ ଜନା, ଞେନ୍ ଆମନ୍ଆଡଙ୍ ଡୁଙ୍ୟମ୍ତମ୍, ତିଆତେ ଆମନ୍ ଜନା ।"
ଜିସୁନ୍ ଆନିନ୍ଆଡଙ୍ ବରେନ୍, "ମେଣ୍ଡାଞେଞ୍ଜି ତୁରାଜି ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)