ସିମନନ୍ ଆ ପୁର୍ବାଃତେବର୍
25 ଆରି ଗିୟ୍ବା, ସିମନ୍ ଗାମ୍ଲେ ଅବୟ୍ ମନ୍ରାନ୍ ଜିରୁସାଲମନ୍ ଡକୋଲନେ, ଆନିନ୍ ଡରମ୍ମମର୍ ଆରି ବୟ୍ଲେମର୍ ଡକୋଏନ୍; ଆନିନ୍ ଇସ୍ରାଏଲନ୍ ଆସନ୍ ବନବ୍ୟୋନ୍ ଜଗେଲେ ଡକୋଲନେ, ଆରି ଆମଙନ୍ ମଡ଼ିର୍ ପୁରାଡ଼ାନ୍ ଡକୋଏନ୍ । 26 "ଆମନ୍ ପ୍ରବୁନ୍ ଆ କ୍ରିସ୍ଟ ଅଣ୍ଡ୍ରଙ୍ ଗିଜେନ୍ ଜାୟ୍ ଅଃର୍ରବୁଅମ୍" ଗାମ୍ଲେ ମଡ଼ିର୍ ପୁରାଡ଼ାନ୍ ବାତ୍ତେ ଆନିନ୍ଆଡଙ୍ ଆମ୍ମୁଙ୍ ଆବର୍ବର୍ । 27 ଅଙ୍ଗା ଆଡିଡ୍ ରେସା ଜିସୁନ୍ ଆସନ୍ ବନାଁୟ୍ବରନ୍ ଆନଗଡ୍ ଅନ୍ତମ୍ କାବ୍ବାଡ଼ାନ୍ ଲନୁମନ୍ ଆସନ୍ ଆପେୟନ୍ ଡ ଆୟୋଙନ୍ ଆନିନ୍ଆଡଙ୍ ସରେବାସିଙନ୍ ଓରୋଙ୍ଲାଜି, ତିଆଡିଡ୍ ସିମନନ୍ ପୁରାଡ଼ାନ୍ ବାତ୍ତେ ଆପ୍ପାୟ୍ଡମ୍ଲନ୍ ସରେବାସିଙନ୍ ଇୟ୍ଲାୟ୍, 28 ଆରି ସିମନନ୍ ରେସାସିଜନ୍ଆଡଙ୍ ଆସିଲୋଙନ୍ ଞମ୍ଲେ ଇସ୍ୱରନ୍ଆଡଙ୍ ସେଙ୍କେଲେ ବର୍ରନେ,
29 "ଏ ପ୍ରବୁ, ନମି ଆମନ୍ ବର୍ନେନମ୍ ଅନ୍ତମ୍,
କମ୍ୱାରିମର୍ନମ୍ଆଡଙ୍ ଉଗୁରିୟ୍ ଜିର୍ଜିରନ୍ ଆସନ୍ ତିୟ୍ତେ;
30 ଇନିଆସନ୍ଗାମେଣ୍ଡେନ୍ ଅମଡ୍ଞେନ୍ ଅନୁର୍ନମ୍ ଗିଜେନ୍,
31 ଆମନ୍ ତିଆତେ ଅଡ଼୍କୋ ମନ୍ରାନ୍ ଆ ତେମଡ୍ଲୋଙ୍ ଅବ୍ଜାଡାଲେ,
32 ଏର୍ଜିଉଦିମରଞ୍ଜିଆଡଙ୍ ଆଜାଡ଼ିନ୍ ଆରବ୍ତୁୟ୍ତେନ୍ ଆ ସନାଆର୍,
ଆରି ଇସ୍ରାଏଲ୍ ମନ୍ରାନମ୍ଜି ଆ ଗନୁଗୁ ପନେମେଙ୍ଡାଗୋ ଏମ୍ମେଏନ୍ ।"
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)