Matta 24

Gäärrä yen Ñuugulo Yaana a Lüggïnï ye

45 "Aŋ a ŋaani ken a ñuugulo yaana a lüggïnï aŋ a ŋäjjo, yaana müükkünü men mooye yeene än yeene jïñe muure, aŋ meken iñde waak äämkä kä wuuŋ yaana päjjïdï ye ti? 46 Ŋüülkïn ñuugulo yaana wäädänä men mooye yeene ñuugal naana ike ḍuku ye. 47 Ikee kiine a gïtken, men mooye ñuugulo yaanna bi müükke wakkä yeeke muure. 48 Aŋ naana ñuugulo yaana a yaajgonḍe aŋ payit jone ti ogo, ‘Men mooye yeeni bi kuru,’ 49 aŋ üccï kä giimmä ñuuguloni meken aŋ ämï aŋ mätï ke maaddo määŋŋi ye, 50 i men mooye yen ñuugulo yaanna bi ätä kä nïïnnä yaana batta ŋäjje ye, ke wuuŋ yaana batta ŋäjje ye. 51 Aŋ ñuugulo yaanna bi jooje kä jooññu yaajgonḍe, aŋ bi ḍooce ke lääñoni nänṭä ba' ïwok ke ŋeeynä me leken.