Mateus 8

Yeecüwa Jommuwiingä Yuutte Ïñï

23 Aŋ wääna Yeecüwa kaaccee kä kuun jï ye, i baaddoni yeeke bäätcin ike ti. 24 Aŋ kä ḍeeraŋ aŋŋi jommuwiingä küütïn koon mooye jï, kuun wigde yok a yaana müüñe ye, i Yeecüwa a ooton. 25 Aŋ baaddoni attä Ike cuujgi aŋ kiiṇtä ogo, "Mügdo, mäkkoon ikoon ḍaŋŋa müñon!"

26 Aŋ iken luugi ogo, "Ikee booje ina? Ikee yaaka luggin yeenic ḍeeraŋ ye!" Aŋ juwin ñaalok aŋ jommuwiingä ke koon mooye gerre, aŋ yuuttu ïñï.

27 Aŋ baaddoni witken ḍiiktin aŋ tääjä pääken ogo, "A ŋaani inni? Jiike tiŋtä jommuwiingä ke koon mooye yaanni!"