Lucas 8

జీసుతొల్లె మచ్చి కొచ్చెకజాణ ఇయ్యస్క

1 కొచ్చెక దిన్నయఁ ఆతి డాయు ఏవసి బర్రె గాడణ బర్రె నాస్కణ మహపురు రాజితి నెహిఁకబ్రు వెస్సీహిఁ, వేక్హిఁ రేజిహిఁ మచ్చెసి. బారొజాణ సిసుయఁ ఏవణితొల్లె హచ్చెరి. 2 లగ్గెఎతిఆత్మ ఓడె కొచ్చెకజాణ ఇయస్క లగ్గెఎతి ఆత్మయఁటి, రోగొమికటి కొచ్చెకజాణ ఇయస్క, నెహిఁకివిఆతి మగ్దలేనే మరియటి సాతొ బూతొమిక హొచ్చ హచ్చు. 3 హేరోదు ఇల్లు కేపితి కూజా సేబగట్టసి ఇన్ని ఏవణి డొక్రి యోహన్నా, సూసన్నా ఓడె గడ్డుజాణ ఇయస్క, ఏవణితొల్లె పంగతి ఇయ్యస్కవ మచ్చు. ఏవరి తమ్మి దొన్నొతి, హర్కుతి పార్చహఁ తమ్మి సిసుయఁకి సయొమి కిత్తెరి.