1 ଇଦିନ୍‍ ପେର୍କେ ନାନେ ବାତ୍‍ କେଞ୍ଜ୍‍ତାନ୍, ଆଦ୍ ସ୍ୱର୍ଗତାଗ୍ ୱେରଡ଼୍ ବେଡ଼୍‍ୟାଦ୍ ମାନ୍ଦେତାଦ୍ ମର୍‍ ଲେକାମ୍ ଏର୍କେ ଆସମାତ୍‍ତେ । ଅଡ଼୍‌ କେସମାନ୍‍ନୁଡ଼୍, "ଇଶ୍ୱର୍‌ତେ ସ୍ତୁତି ମାଡ଼ାଟ୍ । ମାନ୍‍ ଇଶ୍ୱର୍‍ ପରିତ୍ରାଣ୍, ଗୌରବ୍ ନୁ ପରାକ୍ରମତେ ଅଦିକାର୍‌ । 2 ତାନ୍ ବିଚାର୍ ନିଜାମ୍ ନୁ ନ୍ୟାୟଚିତ୍ । ବ୍ରଷ୍ଟାଚାର୍ତେ ପୃତିବିତିଙ୍କ୍ କାରାପ୍‌ କାମ୍‌ ମାଡ଼ମାନ୍ଦାନ୍ ଦାର୍‍ୟାନଡ଼୍‍, ଅଣ୍ଡ୍‌ ନାର୍ଗେ ଦଣ୍ଡ୍ କଷ୍ଟ ମାଡ଼୍‍ତନ୍ । ଇଶ୍ୱର୍‌ତେ ଦାସନଡ଼୍‍କ୍ ଆୱୁକି ମାନ୍‍ନାଙ୍କ୍ ଅଙ୍କ୍‌ ଅଣ୍ଡ୍‌ ଶାସ୍ତି ଇତ୍‍ତନ୍ ।" 3 ନାନେ କେଞ୍ଜ୍‍ତାନ୍, ଅଡ଼୍‌‍ ମେଣ୍ଡେ ଗାଟି ଲେଙ୍ଗ୍‍ଦେ କେତୁତନ୍, "ଇଶ୍ୱର୍‌ତେ ସ୍ତୁତି ଗାନ ମାଡ଼ାଟ୍ । ଆଦ୍ ମାନ୍‌‍ନାର୍ଦିଙ୍କ୍ ଦଂସ ମାଡ଼ ମାନ୍ଦାନ୍ କିସ୍‍ତେ ଉମେ ସାରେଦିନାମ୍‍ ପରୁ ତେଦମାନ୍‍ତେ ।"