20 "ନାନ୍ ମାତର୍ ଅଡ଼୍‌ ସେଙ୍ଗେ ପ୍ରାର୍ତନା ମାଡ଼ନ୍, ମାତର୍ ଇଡ଼ାଦ୍ ବାକ୍ୟ ତଡ଼୍ ବେନଡ଼୍ ନାୟାଗ୍ ବିଶ୍ୱାସ୍ ମାଡ଼ିତଡ଼୍, ଅଡ଼୍‌‍କିଂଙ୍କ୍ ମିକା ପ୍ରାର୍ତନା ମାଡ଼ୁତାନ୍, 21 ବେଲା ଅଡ଼୍‌ ସାରେତଡ଼୍ ଅଣ୍ଡୟାଗେ ଆଦ୍‍ତଡ଼୍; ହଁ ବାବା ନିମ୍‍ ବେଲା ନାୟାଗେ ମିନ୍ଦେନି ନୁ ନାନ୍ ନିୟାଗ୍ ମିନ୍ଦେନ୍, ଅଡ଼୍‌ ମିକା ଆଲେକେ ମାୟାଗ୍‌ ମାନିଡ଼୍, ବେଦ୍‍ଲେକାମ୍ ନିମ୍‍ ନାକିଂଙ୍କ୍ ରହତ୍‍ତି ଇଞ୍ଜ ଜଗତ୍ ବିଶ୍ୱାସ୍ ମାଡ଼ିତ୍ । 22 ମେଣ୍ଡେ ନିମ୍‍ ନାକିଂଙ୍କ୍ ବେନ୍ ମହିମା ହିତ୍‍ତିନ୍, ନାନ୍ ଅଡ଼୍‌‍କିଂଙ୍କ୍ ଆଦ୍ ହିତ୍‍ତାନ୍, ବେଲା ମାନାଡ଼୍ ଅଣ୍ଡୟାଗେ ଆଦ୍‍ତାଡ଼୍, ଅଡ଼୍‌ ଆଦେଲେକାମ୍ ଅଣ୍ଡୟାଗେ ଆଦ୍‍ତଡ଼୍ । 23 ନାନ୍ ଅଡ଼ାଗ୍ ନୁ ନିମ୍‍ ନାୟାଗ୍ ବେଦ୍‍ଲେକାମ୍ ଅଡ଼୍‌ ପବିତ୍ର ଆସ୍ ଅଣ୍ଡୟାଗେ ଆଦ୍‍ତଡ଼୍, ଆଲେକେ ଜଗତ୍ ପୁନ୍‍ତେ ଯେ ନିମ୍‍ ନାକିଂଙ୍କ୍ ରଅତିନ୍, ମେଣ୍ଡେ ନାକିଂଙ୍କ୍ ବେନ୍ ଲେକାତ୍ ପ୍ରେମ ମାଡ଼୍‍ତି, ଅଡ଼୍‌‍କିଂଙ୍କ୍ ମିକା ଆଦେ ଲେକାତ୍ ପ୍ରେମ ମାଡ଼୍‍ତିନ୍ ।"