46 ୪:୪୬ ଯୋହନ୍ ୨:୧-୧୧. ଇଗାକଞ୍ଜ୍ ଗାଲିଲୀତାଗ୍ ବେନ୍ କାନାଲ୍ ନାର୍ଦାଗ୍ ଜିସୁ ଏର୍ଦିଙ୍କ୍ ଦ୍ରାକ୍ଷାରସ୍ ମାଡ଼ି ମାତ୍ତଣ୍ଡ୍, ଆଦ୍ ପଡ଼ିୟେତାଗ୍ ଅଣ୍ଡ୍ ମେଣ୍ଡନ୍ନ୍ଦାମ୍ ଆଦ୍ତନ୍ । ମେଣ୍ଡେ ଆଗେ ୱେରଣ୍ଡ୍ ରାଜକର୍ମଚାରୀ ମାତ୍ତଣ୍ଡ୍, ଅନ୍ ମାର୍ କଫର୍ନାହୁମ୍ତାଗ୍ ପିଡ଼ିତ୍ ମାତ୍ତଣ୍ଡ୍ । 47 ଜିସୁ ଯିହୁଦା ପ୍ରଦେଶ୍ତାଗାଙ୍କ୍ ଗାଲିଲୀତାଗ୍ ପେୟିସ୍ ୱାସ୍ ମିନ୍ଦେଣ୍ଡ୍, ଇଦ୍ କେଞ୍ଜି ଅଣ୍ଡ୍ ଅନ୍ ଗାର୍ରେ ଆଞ୍ଜ୍ ଅଣ୍ଡ୍ ବେଦ୍ପୁଟୁଙ୍କ୍ ଆଞ୍ଜ୍ ତାନ୍ ମାର୍ଦିଙ୍କ୍ ସୁସ୍ଥ ମାଡ଼ିଦ୍ତଣ୍ଡ୍, ଆଦିନ୍ମାଇଦିଙ୍କ୍ ଅଂକିଙ୍କ୍ ଅନୁରଦ୍ ମାଡ଼ାଙ୍କ୍ ପସ୍ପ୍ତଣ୍ଡ୍, ବାତେଙ୍କ୍ ଇତ୍କେ ଅଣ୍ଡ୍ ଡଲାନ୍ ରକମ୍ ଆସ୍ ମାତ୍ତଣ୍ଡ୍ । 48 ଆସୁଟେ ଜିସୁ ଅଂକିଙ୍କ୍ କେତ୍ତଣ୍ଡ୍, "ଚିହ୍ନେ ନୁ ଆଶର୍ଯ୍ୟ ପାଡ଼୍ୟି ହୁଡ଼କଟମାତ୍କେ ମିଡ଼୍ ବେସୁଟ୍ ବା ବିଶ୍ୱାସ୍ ମାଡ଼୍ୱିଡ଼୍ ।"
49 ରାଜାନ୍ଦାସ ଅଂକିଙ୍କ୍ କେତ୍ତଣ୍ଡ୍, "ହୋ ଗୁରୁ, ନା ମାର୍ ଡଲାନ୍ ମୁନେଙ୍କ୍ ୱାଡ଼ା ।"
50 ଜିସୁ ଅଂକିଙ୍କ୍ କେତ୍ତଣ୍ଡ୍, "ଅନ୍ ନି ମାର୍ ଗେଲ୍ସି ଆତ୍ତଣ୍ଡ୍ ।
ଆଦ୍ ନାରୁନ୍ ଜିସୁଙ୍କ୍ କେତ୍ତେ ଗଟ୍ ବିଶ୍ୱାସ୍ ମାଡ଼ି ମାଲ୍ସ୍ ଆଦ୍ତନ୍ ।" 51 ମେଣ୍ଡେ, ଅଣ୍ଡ୍ ଆଞ୍ଜ ଆଞ୍ଜ ଅନ୍ ଦାସଡ଼୍ ଅଂକିଙ୍କ୍ କାୟ୍ଲି ନି ମାର୍ ଗେଲ୍ସି ଆତ୍ତଣ୍ଡ୍ ଇଞ୍ଜ କେତ୍ତଡ଼୍ ।
52 ଆଦିଙ୍କ୍ ବେନ୍ ସମୟ୍ତେ ଅଣ୍ଡ୍ ସୁସ୍ଥ ଆତ୍ତଣ୍ଡ୍, ଆଦ୍ ଅଣ୍ଡ୍ ଅଡ଼୍କିଂଙ୍କ୍ ପାଚ୍ରାମାଡ଼୍ତଣ୍ଡ୍ । ଆସୁଟେ ଅଡ଼୍ ଅଂକିଙ୍କ୍ କେତ୍ତଡ଼୍, "ନିନେ ପାୟାଲ୍ ଗାଣ୍ଟେ ସମୟ୍ତେ ଅଂକିଙ୍କ୍ ହେଡ଼୍କ୍ ୱିଡ଼୍ସ୍ତେ ।" 53 ଆସୁଟେ ବାବାଲ୍ ବୁଜେମ୍ ଆତ୍ତଣ୍ଡ୍ ଯେ, "ଜିସୁ ବେନ୍ ସମୟ୍ତେ ନିମାର୍ ଗେଲ୍ସ୍ତଣ୍ଡ୍ ଇଞ୍ଜ ଅଂକିଙ୍କ୍ କେସ୍ମାତ୍ତଣ୍ଡ୍, ଟିକ୍ ଆଦ୍ ସମୟ୍ତେକେ ହିଦ୍ ଗଟେମ୍ଆସ୍ ମାତ୍ତେ । ମେଣ୍ଡେ, ଅଣ୍ଡ୍ ନିଜେ ନୁ ତାନ୍ ପରିବାର୍ତେ ସାର୍ତଡ଼୍ ଜିସୁଙ୍କ୍ ବିଶ୍ୱାସ୍ ମାଡ଼୍ତଡ଼୍ ।"
54 ଯିହୁଦାତାଗାଙ୍କ୍ ମେଣ୍ଡନ୍ନ୍ଦାମ୍ ଗାଲିଲୀତାଗ୍ ୱାତ୍ତେ ପେର୍କେ ହିଦ୍ ଜିସୁନ୍ ଦ୍ୱିତୀୟ ବାକ୍ୱାକାମ୍ ମାଡ଼୍ତଣ୍ଡ୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)