13 ବାତେଙ୍କ୍ ଇତ୍କେ ଦୂତ ଅଂକିଙ୍କ୍ କେତ୍ତେ, ଜିକରୀୟ, "ୱେର୍ମା ବାତେଙ୍କ୍ ଇତ୍କେ ନିୟାଦ୍ ପ୍ରାର୍ତନା ସଦାପ୍ରବୁ କେଞ୍ଜ୍ତଣ୍ଡ୍, ମେଣ୍ଡେ ନି ମୁତ୍ତେ ଏଲୀଶାବେତ୍ ନି ମାଇଦିଙ୍କ୍ ୱେର୍ଣ୍ଡ୍ ମାର୍ ଜନମ୍ ମାଡ଼ିତା, ମେଣ୍ଡେ ନିମେ ଅନ୍ ପେଦେର୍ ଯୋହନ୍ ଇଦ୍ତିନ୍ । 14 ଅଣ୍ଡ୍ ନିୱାଦ୍ କୁସି ନୁ ସାର୍ଦେତେ ବିଷୟ ଆଦ୍ ତଣ୍ଡ୍, ମେଣ୍ଡେ ନାର୍ଗେ ନାରୁଡ଼୍ ଅନ୍ ଜନମ୍ତେ ୱେଡ଼୍କିତଡ଼୍ । 15 ଅଣ୍ଡ୍ ପ୍ରବୁନ୍ ମୁନ୍ନେ ମହାନ୍ ଆଦ୍ତୋଣ୍ଡ୍; ଅଣ୍ଡ୍ ଦ୍ରାକ୍ଷାରସ୍ କି ସୁରା ବେସୁଟ୍ ବା ହୁନଣ୍ଡ୍ ମେଣ୍ଡେ ୟାୟନ୍ ଡଙ୍କେତାଗ୍ ମିକା ପବିତ୍ର ଆତ୍ମାତେ ସାରେ ଆଦ୍ତେ ।
Publicidade
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)