1 ଚିହ୍ନେ ମାଡ଼ାନଡ଼୍‌ ପେଦେର୍‌ ଇଦି, ହକଲିୟତେ ମାର୍‌ ନିହିମୀୟା ଶାସନକର୍ତ୍ତାଲ ନୁ ସିଦିକୀୟ; 2 ସରାୟ, ଅସରୀୟ, ଯିରିମୀୟ; 3 ପଶ୍‌ହୂର, ଅମରୀୟ, ମଲ୍‌କୀୟ; 4 ହଟୂଶ୍‌, ଶବନୀୟ, ମଲ୍ଲୂକ; 5 ହାରୀମ୍‌, ମରେମୋତ୍‌, ଓବଦିୟ; 6 ଦାନିୟେଲ, ଗିନ୍ନଥୋନ, ବାରୁକ୍‌; 7 ମଶୁଲ୍ଲମ୍‌, ଅବୀୟ, ମିୟାମୀନ୍‌। 8 ମାସିୟ, ବିଲ୍‌ଗୟ, ଶମୟିୟ; ଇଡ଼୍‌ ସାରେତଡ଼୍‌ ଯାଜକ ମାତ୍‌ତଡ଼୍‌। 9 ମେଣ୍ଡ, ଲେବିୟଡ଼୍‌, ଅସନିୟତେ ମାର୍‌ ଯେଶୂୟ; ହେନାଦଦରତେ ମାର୍‌କିଡ଼୍‌କନ୍‌ ବିନ୍ନୁୟି ନୁ କଦ୍‌ମୀୟେଲ। 10 ମେଣ୍ଡେ, ଅଡ଼୍‌ ଦାଦାଲଡ଼୍‌, ଶବନୀୟ, ହୋଦୀୟ, କଲିଟ, ପଲାୟ, ହାନନ୍‌; 11 ମୀକା, ରହୋବ, ହଶବୀୟ; 12 ସକ୍କୁର, ଶେରେବୀୟ, ଶବନୀୟ; 13 ହୋଦୀୟ, ବାନି, ବନୀନୁ। 14 ନାରୁଡ଼୍‌ତେ ବାଡ଼ିୟିଡ଼୍‌, ପରିୟୋଶ୍‌, ପହତ୍‌ ମୋୟାବ, ଏଲମ; ସତ୍ତୂ, ବାନି; 15 ବୁନ୍ନି, ଅସ୍‌ଗଦ, ବେବୟ; 16 ଅଦୋନୀୟ, ବିଗ୍‌ବୟ, ଆଦୀନ; 17 ଆଟେର, ହିଜକୀୟ, ଅସ୍‌ସୁର; 18 ହୋଦୀୟ, ହଶୂମ, ବେତ୍‌ସୟ, 19 ହାରୀଫ, ଅନାଥୋତ୍‌, ନୋବୟ; 20 ମଗ୍‌ପୀୟସ, ମଶୁଲ୍ଲମ୍‌, ହେଷୀର; 21 ମେଶଷବେଲ, ସାଦୋକ, ଯଦ୍ଦୂୟ; 22 ପ୍ଲଟୀୟ, ହାନନ୍‌, ଅନାୟ; 23 ହୋଶେୟ, ହନାନୀୟ, ହଶୂବ; 24 ହଲୋହେଶ, ପିଲହ, ଶୋବେକ; 25 ରହୁମ୍‌, ହଶବ୍‌ନା, ମାସେୟ, 26 ମେଣ୍ଡେ, ଅହୀୟ, ହାନନ୍‌, ଅନାନ୍‌; 27 ମଲ୍ଲୂକ, ହାରୀମ୍‌, ବାନା।

28 ମେଣ୍ଡେ, ନାରୁଡ଼୍‌ତେ ବାଗାତେ, ଯାଜକିଡ଼୍‌, ଲେବିୟଡ଼୍‌, ଗେଟ୍‌କେପାନଡ଼୍‌, ପାଟାପାରାନଡ଼୍‌, ସେବା ମାଡ଼ାନଡ଼୍‌, ନୁ ବେନ୍‌ସାରେ ନାରୁଡ଼୍‌ ୱେର୍‌ ୱେର୍‌ ଦେଶତେ ଗୋଷ୍ଟୀୟଡ଼୍‌କନ୍‌ ମିକିଙ୍କ୍‌ ୱେର୍‌ ମାଡ଼ି ପରମେଶ୍ୱରତେ ନିୟମ୍‌ତେ ପାକେ ଆସ୍‌ ମାତ୍‌ତଡ଼୍, ଅଡ଼୍‌, ଅଡ଼୍‌ନାଟାକିଙ୍କ୍‌, ଅଡ଼୍‌ ମାର୍‌କିଡ଼୍‌କ୍‌ ନୁ ଅଡ଼୍‌ ମାୟାସ୍‍କିଙ୍କ୍‌, ସାରେ ଜ୍ଞାନବାନ୍‌ଦେ ନୁ ବୁଦ୍ଦିମାନ୍‌ ନାରୁଡ଼୍‌; 29 ଅଡ଼୍‌ ନିଜର ଦାଦାଲଡ଼୍‌କ୍‌, ନିଜର କୁଲିନଡ଼୍‌ ପର ଆସକ୍ତ ଆସ୍‌ ପରମେଶ୍ୱରଦେ ଦାସ ମୋଶାନ୍‌ତଡ଼୍‌ ଦତ୍ତ ପରମେଶ୍ୱରଦେ ନିୟମ୍‌ତେ ଲେକାମ୍‌ ତାକାନ୍‌ ମାଇଦିଙ୍କ୍‌ ନୁ ମାନ୍‌ ପ୍ରବୁ ସଦାପ୍ରବୁନ୍‌ ସାରେ ଆଦେଶ୍‌ ନୁ ଶାସନ ନୁ ନିୟମ ମନ୍‌ଇସ୍‌ ପାଲନ୍‌ ମାଡ଼ାନ୍‌ ମାଇଦିଙ୍କ୍‌ ଶପତ୍‌ ନୁ ପ୍ରତିଜ୍ଞା ମାଡ଼୍‌ତଡ଼୍‌; 30 ମେଣ୍ଡେ କେତ୍‌ତଡ଼୍‌, " ମାମେ ୱେର୍‌ ଦେଶତେ ନାରୁଡ଼୍‌କିଙ୍କ୍‌ ନିଜର ମାୟାସ୍କିଙ୍କ୍‌ ଇୱମ୍‌, ବା ମିଇ ମାର୍‌କିଡ଼୍‌ ମାଇଦିଙ୍କ୍‌ ଅଡ଼୍‌ ମାୟାସ୍‍କିଙ୍କ୍‌ ତାଡ଼ମ୍‌;"

31 ମେଣ୍ଡେ, ଦେଶତେ ନାରୁଡ଼୍‌ ରମାନ୍‌ଦିନେତେ ବାତେ ଆୟି ତିନ୍ଦାନ୍‌ ସାମାନ୍‌ ୱାମାଙ୍କ୍‌ ତାତ୍‌କେ, ମାମ୍‌ ରମାନ୍‌ଦିନତେ କି ୱେର୍‌ ବେନ୍‌ ଆୟି ପବିତ୍ର ଦିନେତେ ଅଡ଼ାକଞ୍ଜ୍‌ ଆଦ୍‌ ଆସ୍‌ମାଟ୍‌; ମେଣ୍ଡେ, ସାତ ୱାଡ଼୍‌ସେତେ ସାରେଲେକାତ୍‌ ଚାନ୍ଦା ଆଦାୟ୍‌ ମାଡ଼ାନାଦ୍‌ ୱିଡ଼୍‌ସିଦ୍‌ ତମ୍‌ ନୁ ଆଦ୍‌ ବର୍ଷ ଚାଷ୍‌ମାଡ଼ାନାଦ୍‌ ଆଦ୍‌ ଦେଶ୍‌ ୱିଡ଼୍‌ସିଦ୍‌ତମ୍‌। 32 ମେଣ୍ଡେ, ମାମ୍‌ ନିଜରତେ ପରମେଶ୍ୱରଦେ ସେବାପାଡ଼୍‌ୟିଦେ ମାଇଦିଙ୍କ୍‌,

33 ଦର୍ଶନୀୟ ରୁଟିତେ ନୁ ନିତାଲତେ କାଦି ନୈବେଦ୍ୟତେ ନୁ ନିତାଲ୍‌ତେ ହୋମ ପାପତେ ବଲି, ରମାନ୍‌ ଦିନେତେ, ଆମାସ୍‌ତେ ଏଞ୍ଚତେ ପାଣ୍ଡୁମ୍‌ ନୁ ପବିତ୍ର ସାମାନ୍‌ତେ ନୁ ଇସ୍ରାଏଲତେ ପ୍ରାୟଶ୍ଚିତ୍‌ତେ ପାପବଳିତେ ନୁ ମାକିଙ୍କ୍‌ ପରମେଶ୍ୱରଦେ ଲତ୍‌ତେ ସାରେ ପାଡ଼୍‌ୟିଦେ ମାଇଦିଙ୍କ୍‌ ସାରେ ବର୍ଷ ଅଣ୍ଡୟ୍‌ ଅଣ୍ଡୟ୍‌ କେଜି ମୁଣ୍ଡ୍‌ଦାମ୍‌ ଇଦାନ୍‌ ବଜ ମିଇ ପର ଅଦାନ୍‌ ନିୟମ ମାଡ଼୍‌ତମ୍‌। 34 ମେଣ୍ଡେ, ନିୟମ୍‌ତେ ଲେକାନୁସାରତେ ସଦାପ୍ରବୁ ମାନାଙ୍କ୍‌ ପରମେଶ୍ୱରଦେ ଯଜ୍ଞବେଦି ପର ନିଡ଼୍‌ପ୍ପିତାଙ୍କ୍‌ ମାନ୍‌ ବାବାନ୍‌ ପିଲୁଡ଼୍‌ତେ ଲେକାମ୍‌ ୱାଡ଼୍‌ସେତିଙ୍କ୍‌ ବର୍ଷ ଏଞ୍ଚ୍‌ତେ ସମୟତେ ମାନ୍‌ ପରମେଶ୍ୱରଦେ ଲତ୍‌ତିଙ୍କ୍‌ ୱେର୍‌କି ତାତ୍‌ତାନ୍‌ ମାଇଦିଙ୍କ୍‌ ମାମ୍‌, ଇତ୍କେ ଯାଜକିଡ଼୍‌, ଲେବିୟଡ଼୍‌ ନୁ ନାରୁଡ଼୍‌ ୱେର୍‌କିଦାନ୍‌ ବିଷୟତେ ଲଟିରି ମାଡ଼୍‌ତମ୍‌।

35 ମେଣ୍ଡେ, ମାମ୍‌ ବୁମ୍‌ଦେ ପର୍ତମ୍‌ ପେୟ୍‌ତେ ଶସ୍ୟ ନୁ ସାରେ ଲେକାମ୍‌ ମାଡ଼େତ୍‌ ପର୍ତମ୍‌ ଆଦ୍‌ତା କାୟା ବର୍ଷତିଙ୍କ୍‌ ବର୍ଷ ସଦାପ୍ରବୁନ୍‌ ପ୍ରାର୍ତନାଲତ୍‌ତାଗ୍‌ ତାତ୍‌ତାନ୍‌ ମାଇଦିଙ୍କ୍‌,

36 ବା ନିୟମ୍‌ତେ ଲେକାନୁସାରତେ ମାମ୍‌ ମାର୍‌କିଡ଼୍‌ ପଶୁକିନ୍‌ ପ୍ରଥମଜନମ୍‌ ନୁ ମାନ୍‌ ଗଡ୍‌ମାନ୍ଦେ ନୁ ମେକେମାନ୍ଦେ ପ୍ରଥମଜନମ୍‌ ତାୱିଙ୍କ୍‌ ମାନ୍‌ ପରମେଶ୍ୱରଦେ ଲତ୍‌ତେ, ମାନ୍‌ ପରମେଶ୍ୱରଦେ ଲତ୍‌ତାଗ୍‌ କୁଟ୍‌ମାମ୍‌ତେ ସେବାକାମ୍‌ ମାଡ଼ାନଡ଼୍‌କ୍‌ ଯାଜକିଡ଼୍‌ ଗାରେ ତାତ୍‌ତାନ୍‌ ମାଇଦିଙ୍କ୍‌, 37 ମେଣ୍ଡେ, ମାନ୍‌ ପିସ୍‌କିତେ ମଇଦାତେ ପ୍ରଥମ ଦଶବାଗ୍‌ତାଗାଙ୍କ୍‌ ବାଗେଣ୍ଡ୍‌ ନୁ ମାନ୍‌ ଉତ୍ତଳନୀୟ ପୁରସ୍କାର୍‌ ନୁ ସାରେଲେକାତ୍‌ତେ ମାଡ଼ାତ୍‌ତେ କାୟା, ଦ୍ରାକ୍ଷାରସ ନୁ ନିୟ୍‌ ଯାଜକିଡ଼୍‌ ଗାରେ ମାନ୍‌ ପରମେଶ୍ୱରଦେ ଲତ୍‌ତେ ବାକେଡ଼୍‌ତାଗ୍‌ ତାତ୍‌ତାନ୍‌ ମାଇଦିଙ୍କ୍‌, ମେଣ୍ଡେ ବୁମ୍‌ଜାତ୍‌ତେ ସାମାନ୍‌ ଦଶବାଗ୍‌ତାଗାଙ୍କ୍‌ ବାଗେଣ୍ଡ୍‌ ଲେବିୟଡ଼୍‌ ଗାରେ ତାତ୍‌ତାନ୍‌ ମାଇଦିଙ୍କ୍‌ ତିର୍‌ତମ୍‌; ବାତେଙ୍କ୍‌ ଇତ୍କେ ଆ ଲେବିୟଡ଼୍‌ ମାନ୍‌ ସାରେ ଚାଷି ନଗରତେ ଦଶବାଗ୍‌ତାଗାଙ୍କ୍‌ ବାଗେଣ୍ଡ୍‌ ଆଦାୟ ମାଡ଼ିତଡ଼୍‌। 38 ମାତର୍‌ ଲେବିୟଡ଼୍‌ ଦଶବାଗ୍‌ତାଗାଙ୍କ୍‌ ବାଗେଣ୍ଡ୍‌ ଆଦାୟ ମାଡ଼ାନ୍‌ ସମୟତେ ହାରୋଣତିଙ୍କ୍‌ ମାର୍‌ ଯାଜକ ଲେବୀୟଡ଼୍‌ତଡ଼୍‌ ମାନ୍ତଡ଼୍‌; ମେଣ୍ଡେ, ଲେବିୟଡ଼୍‌ ପରମେଶ୍ୱରଦେ ଲତ୍‌ତେ ବାକ୍‌ଡ଼େତିଙ୍କ୍‌ ଦଶବାଗ୍‌ତାଗାଙ୍କ୍‌ ବାଗେଣ୍ଡ୍‌ ତାତିତଡ଼୍‌। 39 ବାତେଙ୍କ୍‌ ଇତ୍କେ ପବିତ୍ର ପଡ଼୍‌ୟେତ୍‌ ଗିନେସାରେ ନୁ ପ୍ରଚାର୍‌ମାଡ଼ାନଡ଼୍‌ ଯାଜକିଡ଼୍‌, ମେଣ୍ଡେ ଗେଟ୍‌କେପାନଡ଼୍‌ ନୁ ପାଟାପାରାନଡ଼୍‌ ବେନ୍‌ ସାରେ ବାକ୍‌ଡ଼ାନାଗ୍‌ ମାନ୍‌ତଡ଼୍‌, ଆଗେ ଇସ୍ରାଏଲତେ ମାର୍‌ ନୁ ଲେବିୟଡ଼୍‌ ମାର୍‌ ଶସ୍ୟତେ, ଦ୍ରାକ୍ଷାରସତେ ନୁ ନିୟ୍‌ଦେ ପୁରସ୍କାର୍‌ ତାତ୍‌ତିତଡ଼୍‌; ମେଣ୍ଡେ, ମାମ୍‌ ନିଜର ପରମେଶ୍ୱରଦେ ଲତ୍‌ତିଙ୍କ୍‌ ୱିଡ଼୍‌ସମ୍‌।