ନିହିମୀୟା 11

ଯିରୂଶାଲାମ୍‌ତାଗ୍‌ ମୂକ୍ୟଡ଼୍‌

1 ମେଣ୍ଡେ, ନାରୁଡ଼୍‌ତେ ଅଦିପତିନଡ଼୍‌ ଯିରୁଶାଲତାଗ୍‌ ମାତ୍‌ତଡ଼୍‌; ବା ବାଗାତେ ନାରୁଡ଼୍‌ ପବିତ୍ର ନଗରତେ ଯିରୁଶାଲମତାଗ୍‌ ବାସେ ମାଡ଼ାନ୍‌ ମାଇଦିଙ୍କ୍‌ ସାରେ ଦଶଜାନ୍‌ କନ୍‌ ଅର୍ତୁଙ୍କ୍‌ ଆ ପଡ଼୍‌ୟେତାଗ୍‌ ତାତ୍‌ତାନ୍‌ ମାଇଦିଙ୍କ୍‌ ନୁ ୱେର୍‌ ନଅ ଜାନ୍‌ଦିଙ୍କ୍‌ ୱେର୍‌ ନଗରତାଗ୍‌ ବାସ୍‌ ମାଡ଼ାନ୍‌ ମାଇଦିଙ୍କ୍‌ ଲଟିରି ମାଡ଼୍‌ତଡ଼୍‌। 2 ମେଣ୍ଡେ, ବେନଡ଼୍‌ ଯିରୁଶାଲମତାଗ୍‌ ବାସ ମାଡ଼ାନଙ୍କ୍‌ ମୁନେ ନିଜରତିଙ୍କ୍‌ କାଇଦାଗ୍‌ ପସ୍ପିକେ, ନାରୁଡ଼୍‌ ଅଡ଼କ୍‌ ଦନ୍ୟବାଦ୍‌ ମାଡ଼୍‌ତଡ଼୍‌। 3 ପ୍ରଦେଶତାଗ୍‌ ଇ ବେଡ଼୍‌ୟଡ଼୍‌ ଯିରୁଶାଲମତାଗ୍‌ ବାସ ମାଡ଼୍‌ତଡ଼୍‌; ମାତର୍‌ ଯିହୁଦାତେ ୱେରେୱେରେ ନଗରତେ ନାରୁଡ଼୍‌, ଇସ୍ରାଏଲ୍‌, ଯାଜକିଡ଼୍‌ ନୁ ଲେବିୟଡ଼୍‌ ନୁ ସେବାକାରିଡ଼୍‌ ନୁ ଶଲୋମନତେ ଦାସଡ଼୍‌ ମାର୍କିଡ଼୍‌ ସାରେ ନିଜେ ନିଜର ଅଦିକାର୍‌ତେ ନିଜେ ନିଜର ନଗରତାଗ୍‌ ବାସ ମାଡ଼୍‌ତଡ଼୍‌।

ଯିହୁଦା ପିଲୁଡ଼୍‌ତେ ନାରୁଡ଼୍‌

4 ମେଣ୍ଡେ, ଯିହୁଦାତେ ମାର୍‌କିଡ଼୍‌କନ୍‌ ନୁ ବିନ୍ୟାମିନ୍‌ତେ ମାର୍କିଡ଼୍‌କନ୍‌ ବେସ୍କ୍‌ ନାରୁଡ଼୍‌ ଯିରୁଶାଲମତାଗ୍‌ ବାସ ମାଡ଼୍‌ତଡ଼୍‌। ଯିହୁଦାତେ ମାର୍‌କିଡ଼୍‌କନ୍‌ ଉଷୀୟର ମାର୍‌ ଇତ୍କେ, ଆ ଯଷୀୟ ଜିକରୀୟତର ମାର୍‌, ଜିଖରୀୟ ଅମରୀୟତେ ମାର୍‌, ଅମରୀୟ ଶଫଟୀୟତେ ମାର୍‌, ଶଫଟୀୟ ମହଲଲେଲତେ ମାର୍‌, ମହଲଲେଲ ପେରସ ମାର୍‌କିଡ଼୍‌ ଡ଼ାଗାଙ୍କ୍‌ ୱେରଣ୍ଡ୍‌;

5 ମେଣ୍ଡେ, ବାରୁକ୍‌ତେ ମାର୍‌ ମାସେୟ, ଆ ବାରୁକ୍‌ କଲ୍‌ହୋଷିତେ ମାର୍‌, କଲ୍‌ହୋଷି ହସାୟତେ ମାର୍‌, ହସାୟ ଅଦାୟାତେ ମାର୍‌, ଅଦାୟା ଯୋୟାରୀବତେ ମାର୍‌, ଯୋୟାରୀବ୍‌ ଜିକରୀୟତେ ମାର୍‌, ଜିଖରୀୟ ଶୀଲୋନିତେ ମାର୍‌।

6 ପେରସତେ ମାର୍‌ ସାରେ ଚାରି ଶହ ଅଟଷଟି ଜାନ୍‌ ବୀର ମାନେଇ ଯିରୁଶାଲମତେ ବାସ ମାଡ଼୍‌ତଡ଼୍‌।

ବିନ୍ୟାମିନ୍‌ ପିଲୁଡ଼୍‌ତେ ନାରୁଡ଼୍‌

7 ବିନ୍ୟାମିନ୍‌ତେ ମାର୍‌କ୍‌, ମଶୁଲ୍ଲମତେ ମାର୍‌ ସଲ୍ଲୁ, ଆ ମଶୁଲ୍ଲମ୍‌ ଯୋୟେଦ୍‌ତେ ମାର୍‌, ଯୋୟେଦ୍‌ ପଦାୟତେ ମାର୍‌, ପଦାୟ କୋଲାୟାତେ ମାର୍‌, କୋଲାୟା ମାସେୟତେ ମାର୍‌, ମାସେୟ ଇଥୀୟେଲତେ ମାର୍‌, ଇଥୀୟେଲ ଯିଶାୟାହତେ ମାର୍‌।

8 ମେଣ୍ଡେ, ଆଦ୍‌ ୱିଡ଼୍‌ସି ଗବ୍ବୟ, ସଲ୍ଲୟସାରେ ନଅ ଶହ ଅଟାଇଶ ଜାନ୍‌। 9 ମେଣ୍ଡେ, ସିଖ୍ରର ମାର୍‌ ଯୋୟେଲ ଅଡ଼୍‌ ନେତାଲ୍‌ ମାତ୍‌ତଣ୍ଡ୍‌ ନୁ ହସନୁୟେତେ ମାର୍‌ ଯିହୁଦା ନଗରତେ ଦ୍ୱିତୀୟ ଶାସନ୍‌କର୍ତ୍ତାଲ୍‌ ମାତ୍‌ତଣ୍ଡ୍‌।

ଯାଜକ୍‌ ପିଲୁଡ଼୍‌ତେ ନାରୁଡ଼୍‌

10 ଯାଜକନଡ଼ାଗାଙ୍କ୍‌, ଯୋୟାରୀବ୍‌ତେ ମାର୍‌ ଯିଦୟୀୟ, ଯାଖୀନ୍‌,

11 ହିଲ୍‌କୀୟତେ ମାର୍‌ ସରାୟ, ଆ ହିଲ୍‌କିୟ ମଶୁଲ୍ଲମତେ ମାର୍‌, ମଶୁଲ୍ଲମ୍‌ ସାଦୋକତେ ମାର୍‌, ସାଦୋକ ମରାୟୋତତେ ମାର୍‌, ମରାୟୋତ୍‌ ଅହୀଟୂବତେ ମାର୍‌, ଅହୀଟୂବ୍‌ ପରମେଶ୍ୱରଦେ ଲତ୍‌ତେ ବେଡ଼ିୟଣ୍ଡ୍‌ ମାତ୍‌ତଣ୍ଡ୍‌। 12 ଲତ୍‌ତେ ପାଡ଼୍‌ୟିମାଡ଼ାନ୍‌ ଅଡ଼୍‌ ଦାଦାଲଡ଼୍‌ ଆଟ୍‌ ଶହ ବାଇଶ ଜାନ୍‌ ମାତ୍‌ତଡ଼୍‌; ମେଣ୍ଡେ, ଯିରୋହମ୍‌ତେ ମାର୍‌ ଅଦାୟା, ଆ ଯିରୋହମ୍‌ ପଲଲୀୟତେ ମାର୍‌, ଯିରୋହମ୍‌ତେ ମାର୍‌ ଅଦାୟା, ଆ ଯିରୋହମ୍‌ ପଲଲୀୟତେ ମାର୍‌,ପଲଲୀୟ ଅମ୍‌ସିତେ ମାର୍‌, ଅମ୍‌ସି ଜିକରୀୟତେ ମାର୍‌, ଜିଖରୀୟ ପଶ୍‌ହୂରତେ ମାର୍‌, ପଶ୍‌ହୂର ମଲ୍‌କୀୟତେ ମାର୍‌, 13 ମେଣ୍ଡେ, ଅଦାୟାତେ ଦାଦାଲଡ଼୍‌ ଦୁଇ ଶହ ବୟାଲିଶ ଜାନ୍‌ ବାବାଲଡ଼୍‌ ପିଲୁଡ଼୍‌ତେ ବାଡ଼ିୟ୍‌ଡ଼୍‌ ମାତ୍‌ତଣ୍ଡ୍‌; ଅସରେଲ୍‌ତେ ମାର୍‌ ଅମଶୟ, ଆ ଅସରେଲ୍‌ ଅହସୟରତେ ମାର୍‌, ଅହସୟ, ମଶିଲ୍ଲେମୋତ୍‌ତେ ମାର୍‌, ମଶିଲ୍ଲେମୋତ୍‌ ଇମ୍ମେରତେ ମାର୍‌, 14 ମେଣ୍ଡେ, ଅଡ଼୍‌ ଦାଦାଲଡ଼୍‌ ଏକ ଶହ ଅଟାଇଶ ଜାନ୍‌ ଗାଟିଶକ୍ତିମାନ୍ଦାନଡ଼୍‌ ମାନେୟି ମାତ୍‌ତଡ଼୍‌ ନୁ ହଗ୍‌ଦୋଲୀମ୍‌ତେ ମାର୍‌ ସବ୍‌ଦୀୟେଲ ଅଡ଼୍‌ ବେଡ଼ିୟଡ଼୍‌ ମାତ୍‌ତଣ୍ଡ୍‌।

ଲେବିୟଡ଼୍‌ ପିଲୁଡ଼୍‌

15 ଲେବିୟଡ଼୍‌କନ୍‌, ହଶୂବ୍‌ତେ ମାର୍‌ ଶମୟୀୟ, ଆ ହଶୂବ୍‌ ଅସ୍ରୀକାମତେ ମାର୍‌, ଅସ୍ରୀକାମ ହଶବୀୟତେ ମାର୍‌, ହଶବୀୟ ବୁନ୍ନିର ମାର୍‌;

16 ମେଣ୍ଡେ, ଲେବିୟ ବାଡ଼୍‌ୟିଡ଼୍‌କନ୍‌ ଶବ୍ବତୟ ନୁ ଯୋଷାବଦ୍‌ ପରମେଶ୍ୱରଦେ ଲତ୍‌ତେ ବାୟିଦେତ୍‌ ପାଡ଼୍‌ୟିଦେ ବେଡ଼ିୟଡ଼୍‌ ମାତ୍‌ତଣ୍ଡ୍‌;

17 ମେଣ୍ଡେ, ଆସଫତେ ପିଲୁଡ଼୍‌ତଡ଼୍‌ ସବ୍‌ଦିତେ ନାତି ମୀକାର୍‌ତେ ମାର୍‌ ମତ୍ତନୀୟ ପ୍ରାର୍ଥନାତେ ଦନ୍ୟବାଦ୍ ଆରାମ୍‌ ମାଡ଼ାନାଗ୍‌ ବାଡ଼୍‌ୟିୟଣ୍ଡ୍‌ ମାତ୍‌ତଣ୍ଡ୍‌ ନୁ ଅନ୍‌ ଦାଦାଲଡ଼୍‌ କନ୍‌ ବକ୍‌ବୁକୀୟ ଦ୍ୱିତୀୟ ମାତ୍‌ତଣ୍ଡ୍‌; ମେଣ୍ଡେ, ଯିଦୂଥୂନ ପିଲୁଡ଼୍‌ଜାତ୍‌ ଗାଲଲ୍‌ତେ ନାତି ଶମ୍ମୁୟତେ ମାର୍‌ ଅବ୍‌ଦ।

18 ଯିରୁଶାଲେମ୍‌ ପବିତ୍ର ନଗର୍‌ତାଗ୍‌ ଲେବିୟଡ଼୍‌ ସାରେ ଦୁଇ ଶହ ଚୌରାଶୀ ନାଜ୍‌ ମାତ୍‌ତଡ଼୍‌।

ମନ୍ଦିର୍‌ କେପାନଡ଼୍‌

19 ମେଣ୍ଡେ, ମନ୍ଦିର୍‌ କେପାନଡ଼୍‌ ଅକ୍‌କୂବ, ଟଲ୍‌ମୋନ ନୁ ନରଗଦୁୱାଡ଼୍‌ତେ ମୁନେ କେପାନଡ଼୍‌ କର୍ମକାରୀ ଅଡ଼୍‌ ଦାଦାଲଡ଼୍‌ ଏକ ଶହ ବାସ୍ତରି ଜାନ୍‌ ମାତ୍‌ତଡ଼୍‌।

20 ମେଣ୍ଡେ, ଇସ୍ରାଏଲତେ, ଯାଜକିଡ଼୍‌, ଲେବିୟଡ଼୍‌ ବାଗାତେ ନାରୁଡ଼୍‌ ଯିହୁଦାତେ ସାରେ ନଗରତେ ସାରେତଡ଼୍‌ ନିଜେ ନିଜର ପଡ଼୍‌ୟେତାଗ୍‌ ମାତ୍‌ତଡ଼୍‌। 21 ଇଶ୍ୱର୍‌ତେ ଲତ୍‌ତାଗ୍‌ ସେବା ମାଡ଼ମାନ୍ଦାନ୍‌ ନାରୁଡ଼୍‌ ଓଫଲତେ ବାସ ମାଡ଼୍‌ତଡ଼୍‌; ମେଣ୍ଡେ, ସୀହ ନୁ ଗିଷ୍ପ ସେବାକାରିଡ଼୍‌ ବେଡ଼ିୟଣ୍ଡ୍‌ ମାତ୍‌ତଡ଼୍‌। 22 ଆସଫ ପିଲୁଡ଼୍‌ତେ ପାଟାପାରାନାଗ୍‌କଞ୍ଜ୍‌ ମୀକାତେ ମୁୟିତେ ନାତି, ମତ୍ତନୀୟତେ ନାତି, ହଶବୀୟତେ ନାତି, ବାନିତେ ମାର୍‌ ଉଷି ଯିରୁଶାଲମତେ ଲେବିୟଡ଼୍‌ ବେଡ଼ିୟଡ଼୍‌ ମାତ୍‌ତଡ଼୍‌, ଅଡ଼ାଗାକନ୍‌ ପରମେଶ୍ୱରଦେ ଲତ୍‌ତେପାଡ଼୍‌ୟିଦାଗ୍‌ କାଇଲି ସାହାଯ୍ୟ ମାଡ଼୍‌ତଣ୍ଡ୍‌। 23 ବାତେଙ୍କ୍‌ଇତ୍କେ ଅଡ଼୍‌ ବିଷୟତେ ରାଜାନ୍‌ ଆଦେଶ୍ ମାତ୍‌ତେ ନୁ ନିତାଲ୍‌ତେ ଦର୍‌କା ଇସାପ୍‌ତେ ପାଟାପାରାନଡ଼୍‌କ୍‌ ନିୟମ୍‌ତେ ଗୁଲେଣ୍ଡ୍‌ ଇତ୍‌ତଡ଼୍‌।

24 ମେଣ୍ଡେ, ଯିହୁଦାତେ ମାର୍‌ ସେରହତେ ପିଲୁଡ଼୍‌ଜାତ୍‌ ମଶେଷବେଲ୍‌ତେ ମାର୍‌ ପଥାହୀୟ ନାରୁଡ଼୍‌ତେ ସାରେ ପାଡ଼୍‌ୟି ବିଷୟତେ ରାଜାନ୍‌ ଗାରେ ମାତ୍‌ତେ।

ୱେରେ ସହର ନୁ ନଗରତେ ନାରୁଡ଼୍‌

25 ମେଣ୍ଡେ, ଯିହୁଦାତେ ମାର୍‌କିଡ଼୍‌କନ୍‌ ବେସ୍କ୍‌ ୱେରେୱେରେ ନାକିନାଗ୍‌ ନୁ ଆଗେତ୍‌ କ୍ଷେତ୍ରତେ, କିରୀୟତ୍‌ ଅର୍ବ ନୁ ଆଗେତ୍‌ ପରତ୍‌ ନଗରତେ, ଦୀବୋନ୍‌ ନୁ ଆଗେତ୍‌ ପରତ୍‌ ନଗରତେ, ଯିକବ୍‌ସେଲ ନୁ ଆଗେତ୍‌ ଆ ନାର୍‌ଦାଗ୍‌; 26 ମେଣ୍ଡେ ଯେଶୂୟତେ, ମୋଲାଦାତେ ନୁ ବୈଥ୍‌ପେଲଟତାଗ୍‌; 27 ମେଣ୍ଡେ ହତ୍‌ସର ଶୁୟାଲ୍‌ତେ, ବେର୍‌ଶେବା ନୁ ଆଗେତ୍‌ ଇସୁର୍‌ ନଗରତାଗ୍‌; 28 ମେଣ୍ଡେ ସିକ୍ଲଗ୍‌ତେ, ମକୋନା ନୁ ଆଗେତ୍‌ ପରତ୍‌ ନଗରତାଗ୍‌; 29 ମେଣ୍ଡେ ଐନ୍‌ ରିମ୍ମୋଣତେ, ସରାୟତାଗ୍‌ ନୁ ଯର୍ମୂତତାଗ୍‌; 30 ସାନୋହ, ଅଦୁଲ୍ଲମ ନୁ ଆଗେତ୍‌ ନଗର୍‌ତେ, ଲାକୀଶ୍‌ ନୁ ଆଗେତ୍‌ ପଡ଼ିୟେତାଗ୍‌, ଅସେକା ନୁ ଆଗେତ୍‌ ପରୁତ୍‌ ନଗର୍‌ତାଗ୍‌ ବାସେ ମାଡ଼୍‌ତଡ଼୍‌। ଇଲାନେ ଅଡ଼୍‌ ବେର୍‌ଶେବାକନ୍‌ ହିନ୍ନୋମ ନଗର୍‌ ଏୱୁନା ଡେର୍‌ତଃହସ୍‌ ମାଡ଼୍‌ତଡ଼୍‌। 31 ବିନ୍ୟାମିନ୍‌ ମାର୍‌କିଡ଼୍‌କନ୍‌ ଗେବାକନ୍‌ ମୁନେ ମିକ୍‌ମସ୍‌ ନୁ ଅୟାତେ, ବୈତେଲ୍‌ ନୁ ଆଗେତ୍‌ ପରତ୍‌ ନଗରତାଗ୍‌; 32 ଅନାତୋତ୍‌, ନୋବ ନୁ ଅନନୀୟାତାଗ୍‌; 33 ହାସୋର, ରାମା, ଗିତ୍ତୟିମତାଗ୍‌; 34 ହାଦୀଦ୍‌, ସବୋୟିମ, ନବଲ୍ଲାଟତାଗ୍‌; 35 ଲୋଦ୍‌ ନୁ ଓନୋ, ସାରେ ଲେକେତ୍‌ କାମ୍ ମାଡ଼ାନ୍‌ ପରୁତ୍‌ପାକେ ବାସ୍‌ ମାଡ଼୍‌ତଡ଼୍‌। 36 ମେଣ୍ଡେ, ଯିହୁଦାନ୍‌ ଗାରେତଡ଼୍‌ ପାଲି ପୟିତେ ବେସ୍‌କ୍‌ ଲେବିୟ ନାରୁଡ଼୍‌ ବିନ୍ୟାମିନ୍‌ ତଡ଼୍‌ କାଇଲ୍‌ତଡ଼୍‌।