27 ଅଣ୍ଡ୍ ଓଡେତ୍ କନ୍ସ୍ ପେଇସ୍ ଆଞ୍ଚିନାଗ୍ ଡିଗଡ଼େ, ଆଦ୍ ନାର୍ଦେ ୱେର୍ଣ୍ଡ୍ ବୁତ୍ ପଇତ୍ତେ ନାରୁଡ଼୍ ଅଂକିଙ୍କ୍ କାଇଲ୍ତଣ୍ଡ୍; ଅଣ୍ଡ୍ ଗାଟି ଜେଲ୍ ହେଉନା ସିଲେ କେରୱକଟ ନୁ ଲୋନ୍ ମାନ୍ୱକଟ ୱିସ୍କିନାଗେ ମାଞ୍ଜ ମାତ୍ତଣ୍ଡ୍ । 28 ଅଣ୍ଡ୍ ଜିସୁଙ୍କ୍ ଉଡ଼ି ଗାଟି କିଡ଼୍କି ଅନ୍ୱାଦ୍ ଡେକେତ୍ ମଦଲ୍ ରାଲି ଗାଟି ଲେଙ୍ଗେତେ କେତ୍ତଣ୍ଡ୍, "ହୋ ଇଶ୍ୱର୍ ତେ ମାର୍ ଜିସୁ, ନି ତଡ଼୍ ନାୱାଦ୍ ବାତେଏ ମିନ୍ଦେ ? ନାନ୍ ନିକିଂଙ୍କ୍ ଦନ୍ୟବାଦ୍ ମାଡ଼ୁତାନ୍, ନାକିଂଙ୍କ୍ କଷ୍ଟ ହିମା ।" 29 ବାତେଙ୍କ୍ ଇତ୍କେ ଜିସୁ ଅଶୁଚି ଆତ୍ମାତିଙ୍କ୍ ଆଦ୍ ନାରୁଡ଼୍ ତେ କନ୍ସ୍ ପେଇସ୍ ଆଦାନ୍ ସେଙ୍ଗେ ଗଟ୍ ଇସ୍ମାତ୍ତଣ୍ଡ୍ । ଆଦ୍ ଆତ୍ମା ଗାଟିଦାମ୍ ଅଂକିଙ୍କ୍ ପଇସ୍ ମାତ୍ତେ, ମେଣ୍ଡେ ନାରୁଡ଼୍ ଅଂକିଙ୍କ୍ କାଇତାଗ୍ ଇକ୍ଲେମ୍ ନୁ ଡେକେତାଗ୍ ବେଡ଼ି ତହସ୍ ନେହେସ୍ ମାତ୍ତଡ଼୍, ମାତର୍ ଅନ୍ୱାଦ୍ ବନ୍ଦନ୍ ସାରେ ଦେହେସ୍ ବୁତ୍ ଅଂକିଙ୍କ୍ ବେନ ଇଲ୍ୱେ ପଡ଼ିୟେତାଗ୍ ପଇସ୍ ହସମାତ୍ତେ ।
30 ଜିସୁ ଅଂକିଙ୍କ୍ ପାଚ୍ରାମାଡ଼୍ତଣ୍ଡ୍, "ନି ପେଦେର୍ ବାତେଏ ?" ଅଣ୍ଡ୍ କେତ୍ତଣ୍ଡ୍, ବାହିନୀ; "ନାର୍ଗେ ବୁତ୍କ୍;" ବାତେଙ୍କ୍ ଇତ୍କେ ଗାଟି ବୁତ୍କ୍ ଅନାଗେ ଅସିମାତ୍ତା । 31 ମେଣ୍ଡେ, ଅଣ୍ଡ୍ ବେଲା ଅଡ଼୍କିଂଙ୍କ୍ ପାତାଲ୍ତାଗେ ଆଦାନ୍ ସେଙ୍ଗେ ଗଟ୍ ହିମାକିଣ୍ଡ୍, ଇଦ୍ ସେଙ୍ଗେ ଅଡ଼୍ ଅଂକିଙ୍କ୍ ବିନତି ମାଡ଼ାଙ୍କ୍ ପସ୍ପ୍ତ୍ତଣ୍ଡ୍ ।
32 ଆଗେ ମେଟେତାଗ୍ ୱେରନ୍ ବାଡ଼ିୟାଦ୍ ମାନ୍ଦାପାଦି ମେୟମାତ୍ତା, ମେଣ୍ଡେ ଅଣ୍ଡ୍ ବେଦ୍ ଲେକାମ୍ ଆୱିଙ୍କ୍ ଆୱେ ପାଦିନ୍ ଲୋପେ ଆସାନ୍ ସେଙ୍ଗେ ଗଟ୍ ହିତ୍ତଣ୍ଡ୍, ଇଦ୍ ସେଙ୍ଗେ ଆୱ ଅଂକିଙ୍କ୍ ବିନତି ମାଡ଼୍ତେ । 33 ଜିସୁ ଆୱିଙ୍କ୍ ଗଟ୍ ହିତ୍ତାଙ୍କ୍, ବୁତ୍କ୍ ଆଦ୍ ନାରୁଡ଼୍ ତେ କନ୍ସ୍ ପେଇସ୍ ପାଦିନ୍ ଲୋପେ ଅସ୍ତା; ଆସୁଣ୍ଟ୍ ଆଦ୍ ମାନ୍ଦାପାଦି ଗାଟି ଉର୍ଗିନ୍ ମିରି ଆଞ୍ଜ୍ ମେଟେତ୍ ପରୁ କନ୍ସ୍ ସାୱୁଡ଼େ ତାଗ୍ ରାଲି ମୁଡ଼ୁନ୍ଦି ଡୋଲ୍ତା ।
34 ମେୟେତାନ୍ ନାରୁଡ଼୍ ଆଦ୍ ଗଟନା ଉଡ଼ି ମିରି ଆଞ୍ଜ୍ ନାର୍ ନୁ ନାଟେନାଗ୍ ଆଦ୍ ବିଷୟ୍ କେଞ୍ଜ୍ସ୍ପ୍ତଡ଼୍ । 35 ଆସୁଣ୍ଟ୍ ନାରୁଡ଼୍ ଆଦ୍ ଗଟନା ଉଡ଼ାଙ୍କ୍ ପେଇସ୍ ୱାତ୍ତଡ଼୍; ମେଣ୍ଡେ, ଅଡ଼୍ ଜିସୁନ୍ ଗାର୍ରେ ୱାସ୍, ବେନେ ନାରୁଡ଼୍ କନ୍ସ୍ ବୁତ୍କ୍ ପଇସ୍ ମାତ୍ତା; ଅଣ୍ଡ୍ ସିଲେ କେର୍ସ୍ ସାୟେତ୍ ମାନ୍ ତେ ଜିସୁନ୍ ଡେକେତ୍ ମଦଲ୍ କୁଦିମାନ୍ଦାନ୍ ଉଡ଼ି ୱେର୍ତ୍ତଡ୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)