ବିଶ୍ୱାସ୍ ଇଲ୍ୱେ ସହର୍ତେ ନାରୁଡ଼୍
20 ବେନ୍ ସହର୍କିନାଗ୍ ଜିସୁ ଅନ୍ୱାଦ୍ ନାର୍ଗେ ବାକ୍ୱା ପାଡ଼୍ୟି ମାଡ଼ି ମାତ୍ତଣ୍ଡ୍, ଆଦ୍ ପଡ଼ିୟେତ୍ ନାରୁଡ଼୍ ଅଡ଼ାଦ୍ ପାପ୍ ସେଙ୍ଗେ ହେର୍କେ ମାଡ଼୍ୱାଦ୍ ଉଡ଼ି, ଜିସୁ ଆଦ୍ ଶହର୍କିଙ୍କ୍ ପରିହାସ୍ ମାଡ଼ି କେତ୍ତଣ୍ଡ୍, 21 "ହୋ କୋରାଜିନ୍, ମିଡ଼୍ ଦସଂ ଆଦ୍ତିଡ଼୍ ! ବେତ୍ସାଇଦା ମିଡ଼୍ ମିକା ଦସଂ ଆଦ୍ତିଡ଼୍ । ମିଇ ଲୋପେ ବେନ୍ ସାରେ ଆଶର୍ଯ୍ୟ ପାଡ଼୍ୟି ମାଡ଼୍ତଡ଼୍, ଆୱୁସାରେ ଯଦି ସିଦୋନ୍ ନୁ ସୋରତାଗ୍ ମାଡ଼ିମାନେଡ଼୍, ଆଗେତ୍ ନାରୁଡ଼୍ ମେନ୍ଦୁଲ୍ତାଗ୍ ନିର୍ ଆକି ବାସ୍ତା କେର୍ସ୍ ଅନୁତାପ୍ ମାଡ଼େଡ଼୍ ।" 22 "ନାନ୍ ନିଜାମ୍ତେ କେତୁତାନ୍, ଇଶ୍ୱର୍ ବିଚାର୍ ମାଡ଼ାନ୍ ଦିନାତେ ମିକିଂଙ୍କ୍ ଅନ୍ ସୋର ନୁ ସିଦନ୍ ନାରୁଡ଼୍କିଂଙ୍କ୍ ଅଦିକ୍ ଅନୁଗ୍ରହ ତଅତିତଣ୍ଡ୍ ।" 23 "କପର୍ନାହୁମ୍ ! ନିୟାଦ୍ ବାତ୍ ଦଷ୍ ଆଦ୍ତେ ! ନିମ୍ ବାତ୍ ନିଜେତିଙ୍କ୍ ସ୍ୱର୍ଗତାଗ୍ ଆଦାନ୍ ମାଇଦିଙ୍କ୍ ଆଲ୍ସି ମାଡ଼ୁତି ? ନିମ୍ ନର୍କତାଗ୍ ରାଲିତି । ମିଇ ଲୋପେ ବେନ୍ ଆଶର୍ଯ୍ୟ ପାଡ଼୍ୟି ମାଡ଼୍ତଡ଼୍, ଆଦ୍ ଯଦି ସଦୋମ୍ତାଗ୍ ମାଡ଼ିମାନେଡ଼୍, ଆଦ୍ ନାର୍ ନେଣ୍ଡ୍ ଅନ୍ପାକେ ସାୟେ ମାନ୍ନେଡ଼୍ ।" 24 ୧୧:୨୪ ମାତିଉ ୧୦:୧୫; ଲୁକ ୧୦:୧୨.ନାନ୍ ମିକିଂଙ୍କ୍ ସତ୍ କେତୁତାନ୍, "ଇଶ୍ୱର୍ ବିଚାର୍ ମାଡ଼ାନ୍ ଦିନାତେ ମିୟାଗ୍ କନ୍ସ୍ ସଦୋମ୍ତିଙ୍କ୍ ଅଦିକ୍ ଦୟା ମାଡ଼ିତନ୍ ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)