1 Kin 19

12 Hagi imima eritegeno’a, teve anefa’mo hagnahagna huno evu’neanagi, ana teve nefapina Ra Anumzamo’a omani’ne. Hagi teve anefa’ma evutegeno’a akoheno osi agerupinti sumi huno hiankna ageru ru’ne. 13 Hagi Elaijama ana ageru’ma nentahino’a, nakre ku’anu avugosa refineteno, atiramino ana havegamofo kafante oti’ne. Hagi anama uotigeno’a mago ageru’mo’a amanage huno hu’ne. Elaijaga amafina na’a eme nehane?