Jenesis-Agafa 45

Josefe’ne huno afuhe’inte agra’a huama hu’nea naneke

1 Josefena asuzamo’a avitegeno asunku’zana azeriga osuno, anante oti’naza vahekura ranke huno anage hu’ne, Hakare’amota amafintira megi’a atiramiho, hige’za atiramizageno Josefe’a nefu’zane mani’neno huama huno, nagra Josefe’ne huno zamasi’ne. 2 Nezmasamino krafa huno zavi netege’za, Isipi vahe’mo’za nentahi’za vu’za Fero nompi nemaniza vahera ana zamofo agenkea ome zmasamizage’za maka’moza antahi’naze. 3 Anante Josefe’a afuhe’mokizmia anage huno zamasmi’ne, nagra Josefe’ne! Hanki nenfa’a knare huno mani’nefi? Higeno afuhe’mokizmia tusi’a zamagogo fege’za magore hu’za kea osu’za mani’naze.