Salmos 125

Ra Anumzamofo ra mono nontega marenerino hu' zagamere

1 Ra Anumzamofonte’ma zamentintima nehaza vahe’mo’za zamagra Saioni Agonama mago zamo’ma azeri tore’ma osigeno, oti hankavematino mevava huno viaza hu’za oti hanavetine’za mani’za vugahaze. 2 Agonaramimo’ma Jerusalemi kuma’ma azeri kaginteaza huno, Ra Anumzamo’a vahe’a meninteti’ma agafa huteno vuvavama haniana manigagi zamanteno kegava huzmantegahie.