Salmos 149

Musema huno Anumzamofo agima ahentesga hu zagamere

1 Ra Anumzamofona agi’a ahentesga nehuta, Ra Anumzamofontega kasefa zagame hanune. Agri’ma amage nentaza vahe’motama atruma hanafina zagamera huta Agri agi’a ahentesga hiho. 3 Tamagra Agri agia ahentesga huta avoa nehageta, nase’nasepane hapu zavenanena aheho. 4 Na’ankure Ra Anumzamo’a vahe’agura tusiza huno muse hunezmanteankino, zamavufagama anterami’za nemaniza vahera zamaza hige’za ha' vahe’zamia hara huzmagate’neraze. 5 Anumzamofo amage’ma nentaza vahe’mota, ha’ma hugatemaneraza zankura muse hugahaze. Ana nehu’za nozamifima mase’naku’ma nehu’za ranke hu’za muse zagamera hugahaze.