Salmos 27

Ra Anumzamofoma humuse hunte nunamu zagame Deviti asunte’nea zagamere

1 Ra Anumzamo’a nagri tavi mani’neno, nagu’vazi ne' mani’neankina, nagra na’anku korora hugahue? Ra Anumzamo’a nagrira hankave vihuni’a mani’neanki’na, na’anku nagra nahirahikura hugahue? 2 Hanki havi avu’ava zama nehaza vahe’mo’zama nazeri haviza hunaku erava’o nehanageno, ha' vahe’nimo’za nahenaku egahazanagi, ana vahe’mo’za traka hu’za masegahaze. 3 Rama’a sondia vahe kerafamo’za nahenaku kafo eme ante’za navazagi kagigahazanagi, nagra korora osugahue. Ha' vahenimo’za hara agafa hu’za eme hunantegahazanagi, Ra Anumzamofonku amuhara hugahue.