Salmos 32

Ra Anumzamofo vagaore avesi zanku Deviti asunte’nea zagamere

1 Kema ontahi avu’ava zama’ama Anumzamo’ma atrenenteno, kumi’ama apasente’nia vahe’mo’a tusi muse hugahie. 2 Hagi Ra Anumzamo’ma mago vahe’mofo kefo avu’ava’ama eritrenigeno, vahe’ma revatga hu avu’avazamo’ma agripima omnenenia vahe’mo’a muse hugahie. 3 Hagi kumini’ama huama’ma osugeno’a, nagri navufgamo’ene zaferinamo’enena tusi nata negrige’na karagi ruvava nehue. 4 Na’ankure zagene haninena knazana nagrite ante’nankeno, tusi kna nave’nesie. Hagi zagemo’ma tima te hagege hiaza huno, hankavenimo’a hagege nehie. 5 Ana’ma hutege’na kumini’a refiote maka kagritega huama hu’noe. Ana nehu’na nagra anage hu’noe, Ra Anumzamofonte nagra keontahi navu’nava zani’a huama hugenka, kumini’a apase nantankeno mika kumi’ni’a vagare’ne. 6 E’ina hu’negu atrege’za Kagri kamage’ma nentaza vahe’mo’za knama me’nesire kagritega nunamuna hiho. Ana hanageno knazamo’ma tima hageazama huno esia zamo’a zamazeri onakrino.