Sam-Zagame 34

8 Agra knare avu’ava nehia ne' mani’neanki Ra Anumzamofona rehenka ko, Agripinkama frakino manisia vahe’mo’a muse hugahie. 9 Anumzamofo amage’ma nentaza vahe’mota Ra Anumzamofona koro hunteta agoraga’a maniho. Na’ankure Agri’ma koro’ma hunte’za agoraga’ama nemaniza vahe’mo’za mago zankura atupara nosaze. 10 Hankavenentake laionimo’a mago’a kna agakura hugahie. Hianagi Ra Anumzamofonte’ma amentintima himo’a, knare zantaminkura upara nosie. 11 Mofavrenimota nagrite eta eme antahiho. Ra Anumzamofoma koroma hunteno agoraga’ama mani’zana rempi huramigahue.