Salmos 95

Anumzamofo agima erisgama hanaza zagamere

1 Enketa Ra Anumzamofona muse zagame huta agi’a ahentsga nehuta, tagu’ma nevazia Havegi Ra Anumzamofona ranke huta agi’a ahentesga hanune. 2 Enketa Agri avuga vuta susu hunenteta, muse zagame huta agi’a ahentesga hamneno. 3 Na’ankure Ra Anumzamo’a marerisa Anumza mani’neno, maka havi anumzantamina zamagatereno, ugota Kini mani’ne. 4 Ama mopafima kerima huno ame fenkame’ma urami’neregati’ma vuno, ame’nagame marerigatere’nea agonaregama vu’neana, ana maka Anumzamofo azampi me’ne. 5 Hagerina Anumzamo tro hu’negu huno, Agri suza me’ne. Ana zanke huno ho’mu mopa azanuti tro hu’ne. 6 Enketa kepri huta mono hunenteta, Ra Anumo’ma tagri’ma tro’ma hurante’nea ne' avuga tarena reta monora huntesune.