Resultados da busca por "amor"

8Agroma abaroma wagle, okna no provins Esia moglsre, yubun podo ta yumga i, ene praiglmedi prumga. No yubun podo kaima yumnara i, no yobuglno ta pai kuno erekrumedi prisre, goramga keme pamedi prumga.

17Ana na okna yegl prika ba okuo nomane kor ta idre, ene meglmara u kankrika i pre ene siragl we di prime? Pol ka kaima ta unakiurkwa ba ye dra mina ka yoko dumedi primo? Makandigle yoba ye drano mina Owo didre, nomano mina mane di primere yegl, na yegl dumedi primo?

18Ta manugwa. God ye ka dumara adigl moglmere yegl, na ene ka di teiga i, ka kibi didre, ka kaima didre, yegl ta erekrika. Na ka kaima keme ene di teiga.

4Kor meglkwa mabuno i, ye mem moglkwa. Te, ye kor moglmara i, yoba abuglage si togwa.

16God Wam moglkwa i, dem muduo podo norukwa pre ye nono ege ege yoko kaima ere wakai ere noro moglkwa. Ye mabunomo i ta dudukrukwa.

17Ene prio! God lomo i, ye Moses togo, Moses i nogugl edugwa ba God dem muduo yoko kaima norukwa ya ka kaima di nogugl ede norukwa mabunomo i, ye Jisas Krais mina i nogugl ede norukwa.

11God ye ka ta di nogugl ede norukwa i, yegl paugwa. God Wam swara i mina ye aimadi kamin kor moramga i norie dugwa.

14Te, nono kudugl goglkre, God agle di prumga. I siragl pre God yene taragl tau eragledi prumere mere nono ye erabedi agle di prumun, ye nono kano prabuka.

15Te, siragl taragl agle di pramga i, God pre kodumiwa. Kaima norabukra we di pramga.

8Ba ene meglmara suna i, yoba ta ene Tisa yo we dinaiglkwa i, ene mane dio. I siragl pre ene meglmara mudu agigle agigle meglko, yoba swara keme ene tisano moglkwa.

9Te, ene meglmara suna yoba swara ta Neno yo, dikrio. I siragl pre ene Neno swara kaima heven ibo moglkwa.

38Prio, ene erme dumono wau yenabuka.

3Te, na agra kaima motnga i, ene abu suo ake ple di ten, ye aglke kor deno muduno swara yenabredi prika. Na okna abu suo i bogl Jisas kamo wakai i, ede eglke enabedi kogon podo erumga. Yoba tau no kogono si kegl dinamnedi erikwa ba abu suo i yebriko, yagl Klemen yogo, te kogon yoba tau, God yoba kor aimadi meglkwa bukmo mina yoba kagno paugwa i yeigo, no okna kogon podo akie erumga.

4Ene Yaglno Kade erumara i pre ege ege gun yei molo! Na aglke kor dia, Gun yeio!

20Ana nono Neno Kade God i, nono aimadi kamin ye kagie kade tedre, ye debie si pai moramga paugwa. Kaima.

8Na diga i, yoba nomano pamere i ta dikrika. God lomo ka swara i pre ama dugwa.

10Mo, ye ama no ye kogonmo yoba munga i pre dumedi prime? Kaima ye no ama kogonmo ersre, mige moni tau idre, wakai moramga pre dugwa. I siragl pre, yoba ta makan wakugwa mo wit mogo ugla poglkwa i, ye wit mogo tau ama i nenagledi prisre, kogon erukwa i kuno erumere yegl, no God kogonmo yoba ama topo inamga i, kuno erukwa.

17Te, na topo pre ka tau diga i, na ama prika, nana primere God kogonmo i ta eria, na kogon erimara i, mige moni inaglka kuno eruko. Yegl paugwa ba na nana primere God kogonmo erekrika. Jisas yene kogon yegl narukwa. Yegl pre yoba ta ere mogl, ye niglmo kogonmo yoba kogon dedugo, nigl kogon yoba i kogon dedumere erukwa ba mige moni ta ikrumere mere yegl, na ama mige moni ta ikraglka i, kuno erumedi prika.

10,11Te, ene na yobanama Israel yoba we, ene agre i ede u makan magigl i buglo bogl teiga i, ene dumono makano yenan, kipai meglbi, kuda ikne ene aglke kor kuda bogl tekraiglkwa pre makan i nogugl ede teiga. Na yagl kade pere pere Israel yoba sugl moraiglmedi dediga igne ede u erme pra, yoba kide ene ama kuda bogl teigwa. Yegl erikwa ba erme ye yegl ta erekraiglmedi eraglka. Te, ene kudanen ikne ama ene kuda bogl tekraiglmedi eraluwe di, yegl dugwa.Ana erme we, ene yugu ta kei naragledi pitnga i, ta manabuka ba na ere mogl, ene taragl ta ere tenaglka. Ene wan ya gawanma ama king moraiglmedi eraglka pre diga.

13Ana ene wan i, yugu ta kei narabuka. Kei naran, na ye gawama keme aimadi king moraiglmedi eraglka.

14Na ye nem moglbo, ye na wana morabuka. Te, ye tadaglme eran, neno ye wano ere si di imere na ye ere si di inaglka.

8Yegl pre na ede atne u, Isip yoba ye si kane sigwa i, ye ere idre, i meda edenaglka pre wiga. Na ye i meda edidre, ye agre i ede u dumo podo wakai ta yomara edenaglka. Dumo i, makan nuglo podo moglko, kaya mokna wakai kaima boglkwa. Dumo i erme Kenan yoba ya Hit yoba ya Amor yoba ya Peres yoba ya Hivi yoba ya Jebus yoba makano yogwa.

17… yoba ya Hit yoba ya Amor yoba ya Peres yoba ya …

29Nigl beye kra dumo Negev we digwa i we, Amalek yoba meglkwa. Te, dumo muglo paimara i we, Hit yoba ya Jebus yoba ya Amor yoba meglkwa. Te, mudi nigl bina ya nigl Jordan bina i we, Kenan yoba meglmiwe di, yegl digwa.

4God guma dra kanaiglkwa. Te, God kagie ye mabro mina bogl padran, panabuka.

7Angelo i yegl didre, ama Jisas yegl dumiwe dugwa, Ene kano! Na tabre unaglka. God kamo ene kep ere, buk mina bogl atne edinatnga magigl i, yoba ta wakai ere prabuka yobamo i, ye gun yenabiwe di, yegl dumiwe dugwa.

21Nono Yaglno Kade Jisas ene yoko kaima ere wakai ere te pai morabedi prika. Kaima.

1Ana God Wam ye mogl mitna ede, angelo mudu togwa pre nono ye kamo prumga i, ake gi di moramga. Ake gi di moglsre, ye kamo i ta kide kodo, ede eglke pi dinamnedi eramga paugwa.

2God okna ye lomo i, angeloma di togo, angelo i pi Moses di teigwa. God lomo i, gigledi paugo, yoba God lomo swara swarade si biglke dimere topo kide kuno ere te ikne edugwa.

16 Ana nono kwande pre kodumga i, Jisas u ye angelo ake ple di tenagledi ukrukwa ba nono Abraham gawama munga i, ake ple di noragledi ugwa.

1Ene agroma abaroma deno muduno tenaiglkwa mabuno i, ere pai molo.

3Ene agroma abaroma tau kane yugu pai meglkwa i, no ye bogl akie kane pamga mere yegl pamiwedi prisre, ye pre molo. Te, agroma abaroma tau yoba ye ere kide ere te meglkwa i, nono ye bogl yoba swara munedi prisre, pre molo.

23Ana na ka ta ene di tebo, ene praiglmedi prika i, yegl paugwa, nono agro Timoti kane yugu paugwa i, ye i meda edigwa. Ye ere mogl, tabre na moglmara unan, na ene meglmara unaglka igne, ye bogl akie u ene kanabuglka.

2Te, ye ama yoba swara ta kenaglmo sikre, yoba nonga si tekre, kiede moraiglkwa paugwa. Te, ye yoba mudu ere wakai ere tenamnedi prisre, ake ple di tenaiglkwa paugwa pre ene ye ama yegl eraiglmedi di to.

7Ana God prukwa i, Na yoba yoko kaima ere wakai ere tebo, ye na gumuglna mina yoba du moglsre, taragl wakai wakai ama inaiglmiwe di prisre, nono ere yugwa. Te, God ama prukwa i, nono kor aimadi kamin moramga i nono pre pogl sinaiglmedi prisre, nono ere yugwa. Yegl pre nono God bogl aimadi kamin wakai moramga i, kaima plau dinabedi prisre, pre gi di, sugl moramga paugwa.

15Ana nono agroma abaroma tau na bogl akie munga i, ye mudu ene wakai we di teigwa. Te, ene ere mogl, yoba ta ka swara pre medunara i pre nono wakai kanaiglkwa yobamo i, ene ama na drana idre, Pol ene wakai we di tomiwe do.Na prika, God ene mudu yoko kaima ere wakai ere te pai morabedi prika. Kaima.

31Te, ene pro! Ene dan panan, yagl gak ta kuglsre, kagie Jisas yenatniwa.

47kiana mina God, gun yei teiga. Ye na ere yugwa yagle moglkwa.

73Ye nono kowano awano Abraham promismo i,

22Dumo Kenan suna i, na bainet ya kibr yer idre, Amor yoba kuda bogl tedre, muglo meglbi ta iga. Na dumo tau ene agiglnma makano yenabedi obuno di teiga ba muglo meglbi i, na ene agiglnma tekre, ene swara teie di, Israel yegl dugwa.

6Te, erme, no ene nomane inaiglmedi sugl munga. Ene tau mere nomane idre, no kano duglo beglbi, yoba swarade ta ka sede pai moraiglkwa i, no ye ere si di inamga mere yegl paugwa.

10Yoba tau digwa i, Pol pepa ta boglkwa igne, ye mogl mitna edidre, ka gigledi keme boglkwa ba ye magigl moglkwa igne, yobuglomo paikruko, ye ka dugwa i ama di kun erekrume di, ka yegl digwa.

14Te, no ene meglmara u kogon ta erekrisre, ka yoko yegl ta dumna, kuno ta erekruko. Ba ene dumo Korin meglmara i, no komna yene udre, Krais kamo wakai i, ene di tomga pre kagno pamedi prumga.

29ye mane didre, Kanige erio dugwa. Kugl kide i pru edinamnedi eribi, kowai wit akie pru ede dinaiglmiwa.

42puk si doga podo ta denabara edenaiglkwa. Doga domara i, yoba kai ersre, signo gikr eraiglkwa.

46Doko wan mogl, ege swara ta pi mige podo kaima borabuka ta kanugwa. Kandre, pi taraglmo mudu ta kan nogwa i, topo bogl idre, bis nugo ikra topo sumiwe di, Jisas yegl dugwa.

9Nono erme taragl tau pre pogl sumga ba tau mudu pre pogl sikrumga. Te, God kamo ikne kep ere dumga ba mudu ta kep ere dikrumga.

12Nono erme God mabunomo mudu pre pogl sinamnedi eramga ba kuno erekrabuka. Yoba ta ere mogl, glas ta mim dagl erukwa ake moglsre, yene guma dra kanagledi erukwa kuno erekrumere mere yegl, nono erme God mabunomo mudu ta pre pogl sinamnedi eramga kuno erekrabuka. Yegl paugwa ba okuo yoba gumano drano ikne ikne kan pogl simere yegl, God mabunomo mudu nogugl panan, pre pogl sinamga. Erme ikne keme pre pogl sinamga ba God erme nono kan pogl sumere yegl, nono okuo ama ye mabunomo pre pogl kaima sinamga.

13Na ka tau diga i, nono okuo siragl mere moramga pre diga ba nono erme makandigle munga i, mabuno suota eramga podo paugwa. Nono God kamo pre medigl moglsre, okuo ye bogl akie wakai kaima moramga i ama pre gi di moglsre, te agroma abaroma deno muduno tenamga. Mabuno suota i mudu podo paugwa ba swara ta podo kaima paugwa i, agroma abaroma deno muduno tenamga paugwa.

1Agrama abarama wagle, God mitno podo goglsre, nono ere wakai ere noro kodugwa i pre na ene di tenagledi prika i, ene ogono nagino God tenaiglmedi prika. Yoba sipsip si gogl, mudu gagl tawa teimere mere yegl, ene kor meglmere i, ogono nagino mudu God tenaiglkwa i pre diga. Ene ka kaima God kagie kade tenamnedi pribi, ene yegl eraiglkwa. Yegl eribi, God ama wakai prabuka.

10Pre mediglkwa yoba ta moraiglkwa i, ye no agroma abaroma meglmedi kandre, deno muduno ikne ikne teo. Ene enene mogl atne edidre, agroma abaroma ta moraiglkwa i pre i mitna ede teo.

12Ene okuo God bogl akie wakai kaima moraiglkwa i, ege ege poglo di prisre, gun yei, ama kamage ege ege erio. Te, yubun ta ene meglmara unan, adigl giglede molo.

5Yoba no ere sidre, no si kane si, kuda bogl noramnedi erikwa. Te, no kogon erumga i, kogon podo ersre, ugl wakai paikre, kidan ege mere gunga.

11Agrama abarama wagle, ene Korin yoba meglkwa i, ene prio. No nomano siragl mere paugwa i, ene nogugl di tedre, deno muduno ene tomga.

12Ene ere mogl, Pol yobama bogl no deno muduno ta norokrimedi yegl ta prikrio. No deno muduno ene tomga ba ene deno muduno no norokrikwa.