Hebreus 13

Ka kidine swara swarade i pre dugwa

1 Ene agroma abaroma deno muduno tenaiglkwa mabuno i, ere pai molo. 2 Te, yoba yogugl ere wakai ere teigwa mabuno i, kide kodokrio. Ene pre kodigwa, okna yoba tau yoba yogugl wigo, ere wakai ere tomnedi prikwa ba ye angelo wigo, ere wakai ere teigwa.

3 Ene agroma abaroma tau kane yugu pai meglkwa i, no ye bogl akie kane pamga mere yegl pamiwedi prisre, ye pre molo. Te, agroma abaroma tau yoba ye ere kide ere te meglkwa i, nono ye bogl yoba swara munedi prisre, pre molo.