Atos 7

42 ସାମା ମାହାପୂରୁ ଏ଼ୱାରି ତା଼ଣାଟି ଏଟ୍‌କା ଆ଼ହାଁ ଏ଼ୱାରାଇଁ ହା଼ଗୁଲାକତି ହୁକାୟାଁଣି ସେ଼ବା କିୟାଲି ପିସ୍ତେସି, ଏ଼ନିକିଁ ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନାରି ପତିତା ରା଼ସ୍‌କି ଆ଼ହାମାନେ;

‘ଏ଼ ଇସ୍ରାୟେଲ କୂଡ଼ାତେରି,

ବାଟାତା ରୀ କ଼ଡ଼ି ବାର୍ସା ପାତେକା ମୀରୁ ନାଙ୍ଗେତାକି କ଼ଡି ଗରି ପୂଜା କିହାହିଲାଆତେରି ।

43 ମୀରୁ ପୂଜା କିହାଲି ଆମିନି ବମାୟାଁ କେ଼ପାମାଚେରି,

ଏ଼ ମଲକ ପେ଼ନୁତି ତୂମୁ ଅ଼ଡ଼େ ରମ୍‌ପାନ୍‌ ପେ଼ନୁତି ହୁକାତି ମୀରୁ ଆସାହାଁ ସେ଼ବା କିତେରି,

ଏ଼ଦାଆଁତାକି ନା଼ନୁ ମିଙ୍ଗେ ବାବିଲନ ଆତାଲା ବାସା ଆୟାଲି ପାଣ୍ତାଇଁ ।’"