କାମା 8

32 ଏ଼ୱାସି ଦାର୍ମୁ ପତିତା ପ଼ଡ଼ୱି ଆ଼ହିମାଚି କାତା ଈଦି;

"ଏ଼ୱାସି ପା଼ୟିୱିଆ଼ନି ମେ଼ଣ୍ତା ଡା଼ଲୁ ଲେହେଁ ଅ଼ୱିଆ଼ତେସି,

ଇଞ୍ଜାଁ ମେ଼ଣ୍ତା ଡା଼ଲୁ ବା଼ଣାୟାଁ ଦା଼ଃନି ବେ଼ଲାତା ମେ଼ଣ୍ତା ଡା଼ଲୁ ଏ଼ନିକିଁ ଡ଼ୀଆନା ପାଲେଏ ଡ଼ୟିନେ,

ଏଲେକିହିଁଏ ଏ଼ୱାସି ତାନି ଗୂତି ଏ଼କ୍‌ଆତେସି ।

33 ଏ଼ୱାଣାଇଁ ଊଣା କିହାଁ ନୀହାଁୟି କିଆତେରି,

ଏ଼ୱାଣି କୂଡ଼ାତି କାତା ଆମ୍ବାଆସି ୱେସାଲି ଆ଼ଡଅସି,

ଇଚିହିଁ ତାନି ଜୀୱୁ ଦାର୍‌ତିତା ରା଼ତେ ।"

34 ଏ଼ ପେଜୁ ପିଲିପଇଁ ଏଲେଇଚେସି, "ନାଙ୍ଗେ ୱେସ୍ତାମୁ, ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନାସି ଆମ୍ବାଆରି କାତା ୱେସିମାନେସି ? ତାନି କାତା କି ଅ଼ର ରଅଣି କାତା ?" 35 ଏମ୍ବାଟିଏ ପିଲିପ ଗୂତି ଦେଚାହାଁ ଦାର୍ମୁ ସା଼ସ୍ତେରିଟିଏ ମା଼ଟ୍‌ହାଁ ଏ଼ୱାଣି ତା଼ଣା ଜୀସୁତି ନେହିଁ କାବ୍ରୁ ୱେସ୍ତେସି ।