Mateus 13

ଡ଼ୁଗାମାନି ଦ଼ନ ପୁଣ୍‌ମ୍ବିକିନି କାତା

44 "ଲାକପୂରୁ ରା଼ଜି ଗୁଡିୟାତା ଡ଼ୁଗାମାନି ଦ଼ନ ଲେହେଁତାୟି, ରଅସି ଏ଼ଦାଆଁ ମେସାହାଁ ଡ଼ୁକ୍‌ହା ଇଟିତେସି, ଅ଼ଡ଼େ ରା଼ହାଁଟି ହାଜାହାଁ ତାନି ଈସିତୀସି ଆ଼ସ୍ତି ପାର୍‌ଚାହାଁ ୱେଣ୍ତେ ହାଜାହାଁ ଏ଼ ଗୁଡିୟାତି କଡିତେସି ।"

ଦାରାଗାଟି ଅପ୍‌ନି ୱାଲିତି ପୁଣ୍‌ମ୍ବିକିନି କାତା

45 "ଅ଼ଡ଼େ ଲାକପୂରୁ ରା଼ଜି ନେହିଁ ଅପ୍‌ନି ୱାଲି ପାରିମାନି ର଼ ବେ଼ବାରା କିନାଣିଲେହେଁ । 46 ର଼ ଦାରାଗାଟି ଅପ୍‌ନି ୱାଲି ମେସାହାଁ ଏ଼ୱାସି ହାଜାହାଁ ତାନି ଈସିତୀସି ଆ଼ସ୍ତି ପାର୍‌ଚାହାଁ ଏ଼ ଅପ୍‌ନି ୱାଲିତି କଡିତେସି ।"