Mateus 18

ଲାକପୂରୁ ରା଼ଜିତା ଆମ୍ବାଆସି କାଜାସି

1 ✝ ୧୮:୧ ଲୂକ ୨୨:୨୪ ଏଚିବେ଼ଲା ସୀସୁୟାଁ ଜୀସୁ ତା଼ଣା ୱା଼ହାଁ ୱେଚେରି, "ଆତିହିଁ ଲାକପୂରୁ ରା଼ଜି ଆମ୍ବାଆସି କାଜାସି ?"

2 ଏ଼ୱାସି ର଼ ଊଣା କକାଣାଇଁ ଡାଗେ ହା଼ଟାହାଁ ନିପ୍‌ହାଁ ଏଲେଇଚେସି, 3 ✝୧୮:୩ ମାର୍କ ୧୦:୧୫; ଲୂକ ୧୮:୧୭"ନା଼ନୁ ମିଙ୍ଗେ ସାତା ୱେସିମାଞ୍ଜାଇଁ, ମୀରୁ ୱେଣ୍ତେ ର଼ ଊଣା କକାଣି ଲେହେଁ ଆ଼ଆତିହିଁ, ଏ଼ନିଜିକେଏ ଲାକପୂରୁ ରା଼ଜିତା ହ଼ଡାଲି ଆ଼ଡଅତେରି । 4 ଈଦାଆଁତାକି ଆମ୍ବାଆସି ଈ ଊଣା କକାଣି ଲେହେଁ ତାଙ୍ଗେତାକି ଊଣା କିହାକଡିନେସି, ଏ଼ୱାସି ଲାକପୂରୁ ରା଼ଜିତା କାଜାସି ।