1 ଏମ୍ବାଟିଏ ଜୀସୁ ଡଂଗତା ହ଼ଚାହାଁ ସାମ୍‌ଦୁରି ଗା଼ଣ୍‌ଚାହାଁ ତା଼ନୁ ବାସାଆ଼ହାମାନି ଗା଼ଡ଼ାତା ୱା଼ତେସି । 2 ଅ଼ଡ଼େ ମେହ୍‌ଦୁ କାଟେଲିତା ଡୂରାମାଚି ର଼ ଟଟୱା଼ୟିତି ଲ଼କୁଇଁ ଡେ଼କାହାଁ ତାନି ତା଼ଣା ତାତେରି, ଇଞ୍ଜାଁ ଏ଼ୱାରି ନାମୁ ମେସାହାଁ ଜୀସୁ ଏ଼ ଟଟ ୱା଼ୟିତାଣାଇଁ ଏଲେଇଚେସି, "ଏ଼ ମୀର୍‌ଏଣା, ସା଼ସା ଆହ୍‌ମୁ ନୀ ପା଼ପୁ ବାରେ ମେଣ୍‌ଙ୍ଗାହାଚେ ।"

3 ଏଚେକା ମେ଼ରା ଜା଼ପ୍‌ନାରି ଈ ହା଼ଡା ୱେଞ୍ଜାହାଁ ଏ଼ୱାରି ୱେସ୍‌ପି ଆ଼ତେରି, "ଈ ମାଣ୍‌ସି ମାହାପୂରୁଇଁ ନିନ୍ଦା କିହିମାନେସି ।"

4 ଜୀସୁ ଏ଼ୱାରି ମ଼ନତି ହା଼ଡା ପୁଞ୍ଜାହାଁ ଏଲେଇଚେସି, "ମୀରୁ ମୀ ମ଼ନତା ଏ଼ନାଆଁତାକି ଇଚେକା ଲାଗେଏତି ଅଣ୍‌ପୁ ଅଣ୍‌ପିମାଞ୍ଜେରି ? 5 ଇଚିହିଁ ଏ଼ନାଆଁ ଇନାୟି ଊସାସା, ନୀ ପା଼ପୁ ମେଣ୍‌ଙ୍ଗାହାଚେ, ଆ଼ଆତିଁ ନିଙ୍ଗାହାଁ ତା଼କାମୁ ? 6 ସାମା ଦାର୍‌ତିତି ପା଼ପୁ ମ୍ଣେକ୍‌ହାଲି ତାକି ମାଣ୍‌ସି ମୀର୍‌ଏଣାକି ଅଦିକାରା ମାନେ, ଈଦାଆଁ ଏ଼ନିକିଁ ପୁଞ୍ଜାଲି ଆ଼ଡିନେରି," ଏ଼ଦାଆଁତାକି ଜୀସୁ ଟଟ ୱା଼ୟିତାଣାଇଁ ଏଲେଇଚେସି, "ନିଙ୍ଗାମୁ ନୀ କାଟେଲି ଡେ଼କାହାଁ ଇଜ ହାଲାମୁ ।"

7 ଏମ୍ବାଟିଏ ଏ଼ୱାସି ନିଙ୍ଗାହାଁ ତାମି ଇଜ ହାଚେସି । 8 ଈଦାଆଁ ମେସାହାଁ ଲ଼କୁ ଆଜିତେରି, ଅ଼ଡ଼େ ଆମିନି ମାହାପୂରୁ ମାଣ୍‌ସିୟାଁକି ଇଲେତି ଅଦିକାରା ହୀହାମାନେସି ଇଞ୍ଜିହିଁ ଏ଼ ମାହାପୂରୁତି ଗା଼ୱୁରମି କିତେରି ।

9 ଜୀସୁ ଏମ୍ବାଟି ହାଜି ହାଜିହିଁ ମାତିୟୁ ଦ଼ରୁଗାଟି ର଼ ସିସ୍ତୁ ରୀହ୍‌ନାସି ତାନି ସିସ୍ତୁ ରୀହ୍‌ନି ଟା଼ୟୁତା କୁଗାମାନାଣି ମେସାହାଁ ହା଼ଟାହାଁ ଏଲେଇଚେସି, "ନା଼ ଜେ଼ଚ ୱା଼ମୁ ।"

ଏମ୍ବାଟିଏ ମାତିୟୁ ନିଙ୍ଗାହାଁ ତାନି ଜେ଼ଚ ହାଚେସି ।

10 ✝ ୯:୧୦ ଲୂକ ୧୫:୧,୨ ଇଞ୍ଜାଁ ଜୀସୁ ମାତିୟୁ ଇଜ ତୀନି ବେ଼ଲା ଏଚେକା ସିସ୍ତୁ ରୀହ୍‌ନାରି ଅ଼ଡ଼େ ପା଼ପୁଗାଟି ଲ଼କୁ ତାମି ସୀସୁୟାଁ ତଲେ ତିଞ୍ଜାଲି କୁଗିତେରି । 11 ପାରୁସିୟାଁ ଈଦାଆଁ ମେସାହାଁ ସୀସୁୟାଁଇଁ ଏଲେଇଚେରି, "ମୀ ଗୂରୁ ଏ଼ନାଆଁତାକି ସିସ୍ତୁ ରୀହ୍‌ନାରି ଅ଼ଡ଼େ ପା଼ପୁ ଗାଟାରି ତଲେ ତିଞ୍ଜି ମାନେସି ।"

12 ସାମା ଜୀସୁ ଏ଼ୱାରି ହା଼ଡା ୱେଞ୍ଜାହାଁ ଏଲେଇଚେସି, "ନେହିଁ ଲ଼କୁତାକି ଅସଗୂରୁ ଲ଼ଡ଼ା ହିଲେଏ, ସାମା ର଼ଗ ଗାଟାରାକି ଲ଼ଡ଼ାମାନେ । 13 ✝୯:୧୩ ମାତି ୧୨:୭ଈଦାଆଁତାକି ମୀରୁ ହାଜାହାଁ ଈଦାନି କାତା ଜା଼ପାଦୁ, ସାମା ପୂଜା ହୀନାୟି ଲ଼ଡ଼ାଆଏ, ସାମା ଲ଼କୁଣି କାର୍ମାମେହ୍‌ନାୟି ନେହେଁ; ଇଚିହିଁ ନା଼ନୁ ଦାର୍ମୁ ଗାଟାରାଇଁ ଆ଼ଏ ସାମା ପା଼ପୁ ଗାଟାରାଇଁ ହା଼ଟାଲି ୱା଼ହାମାଇଁ ।"

14 ଏଚିବେ଼ଲାତା ବାପ୍ତିସ୍ମ*୯:୧୪ ମୁଞ୍ଜିନାୟି ହୀନି ଜହନତି ସୀସୁୟାଁ ଜୀସୁଇଁ ୱା଼ହାଁ ୱେଚେରି, "ମା଼ମ୍ବୁ ଅ଼ଡ଼େ ପାରୁସିୟାଁ ଉପାସା କିହିମାନମି, ସାମା ମୀ ସୀସୁୟାଁ ଏ଼ନାଆଁତାକି ଉପାସା କିଅରି ?"

15 ଜୀସୁ ଏ଼ୱାରାଇଁ ଏଲେଇଚେସି, "ବୀହା ହନେଏସି ଡ଼ୟିନି ପାତେକା ବୀହା ଲ଼କୁ ଦୁକୁ ଆ଼ଅରି, ସାମା ଦିନା ୱା଼ନେ, ଏଚିବେ଼ଲା ବୀହା ହନେଣାଇଁ ଅ଼ନେରି, ଏଚିବେ଼ଲା ଏ଼ୱାରି ଉପାସା କିନେରି ।"

16 "ଆମ୍ବାଆସି ପ୍ଣାଃଇ ହିମ୍ବରିତା ପୁଃନି ପାସ୍‌କି ତାଚଅସି, ଏ଼ନାଆଁତାକି ଇଚିହିଁ ଏ଼ ପାସ୍‌କି ପ୍ଣାଃଇ ହିମ୍ବରିତି ଗେସାଅ଼ନେ, ଇଞ୍ଜାଁ ଏ଼ଦି ହା଼ରେକା କାଜାୟି ଆ଼ହିଁ ଗେଞ୍ଜିନେ । 17 ଅ଼ଡ଼େ ଲ଼କୁ ପୁଃନି ଅଙ୍ଗୁରି ରାସା ପ୍ଣାଃଇ ଡ:କାତା*୯:୧୭ ତ଼ଲୁ ତଲେ କେ଼ପିତି ଅଙ୍ଗୁରି ରାସା ଇଟିନି ବାସ୍ତା ଟୂପୁ ଇଟଅରି; ଇଚିହିଁ ଏ଼ ଡ:କା ଡ଼ାୟାହାନେ ଅଙ୍ଗୁରି ରାସା ବ଼ହାହାନେ, ସାମା ପୁଃନି ଅଙ୍ଗୁରି ରାସା ପୁଃନି ଡ:କାତା ଇଟିନେରି, ଆତିହିଁ ଅଙ୍ଗୁରି ରାସା ଅ଼ଡ଼େ ଡ:କା ନେହିଁ ଡ଼ୟିନେ ।"

18 ଏଚିବେ଼ଲା ଈ ବାରେ କାତା ଜୀସୁ ଏ଼ୱାରାଇଁ ୱେସିମାଚି ବେ଼ଲାତା ର଼ ଜୀହୁଦି କାଜାପା଼ଣା ଗାଟାସି ଡାଗେ ୱା଼ହାଁ ମେଣ୍ତାକୁତାନା ଜହରା କିହାଁ ଏଲେଇଚେସି, "ନା଼ ମା଼ଙ୍ଗା ନୀଏଁ ହା଼ହାହାଚେ, ସାମା ନୀନୁ ୱା଼ହାଁ ତାନି ଲାକ କେୟୁ ଇଟିତିହିଁ ଏ଼ଦି ନୀଡିନେ ।"

19 ଏମ୍ବାଟିଏ ଜୀସୁ ନିଙ୍ଗାହାଁ ତାନି ସୀସୁୟାଁ ତଲେ ଏ଼ୱାଣି ଜେ଼ଚ ହାଚେରି ।

20 ଅ଼ଡ଼େ ମେହ୍‌ଦୁ ବା଼ର ବାର୍ସା ପାତେକା ନେତେରି ୱା଼ଙ୍ଗିନି ର଼ଗଗାଟି ର଼ ଇୟା ଡା଼ୟୁୱାକିଟି ୱା଼ହାଁ ଜୀସୁତି ହିମ୍ବରି କୁଙ୍ଗୁ ଡୀଗିତେ । 21 ଇଚିହିଁ ଏ଼ ଇୟା ମ଼ନତା ଅଣ୍‌ପିମାଚେ, "ୱାର୍‌ଇ ତାନି ହିମ୍ବରି ଡୀଗିତିହିଁ ନା଼ନୁ ନେହିଁ ଆ଼ଇଁ ।"

22 ସାମା ଜୀସୁ ୱେଣ୍ଡେ ଡା଼ୟୁୱାକି ସିନିକିହାଁ ଏଲେଇଚେସି, "ମା଼ଙ୍ଗା ସା଼ସା ଆହ୍‌ମୁ, ନୀ ନାମୁ ନିଙ୍ଗେ ନେହିଁ କିହାମାଞ୍ଜାନେ" ଏ଼ ଦେବୁଣିଏ ଏ଼ ଇୟା ନେହିଁ ଆ଼ତେ ।

23 ଡା଼ୟୁ ଜୀସୁ ଏ଼ କାଜାପା଼ଣା ଗାଟାରି ଇଜ ହାଚେସି, ଏମ୍ବାଆଁ ପୀରୁଡ଼ି ଊକିନାରାଇଁ ଅ଼ଡ଼େ ଡ଼ୀହିଁ କା଼ଲ୍‌ୱି ଆ଼ହିମାଚି ଲ଼କୁଣି ମେସାହାଁ ଏଲେଇଚେସି, 24 ବାରେ ଇମ୍ବାଟି ପାଙ୍ଗାତା ହାଜୁ, ପ଼ଦା ହା଼ହାହିଲେଏ, ସାମା ଡୂରାମାନେ, ଏଚେଟିଏ ତାନି ହା଼ଡା ୱେଞ୍ଜାହାଁ ଏ଼ୱାରି କାକ୍‌ହେରି । 25 ସାମା ବାରେ ଲ଼କୁ ପାଙ୍ଗାତା ହାଜାଲିଏ, ଜୀସୁ ଇଜ ବିତ୍ରା ହାଜାହାଁ ପ଼ଦାନି କେୟୁ ଆସାହାଁ ନିକ୍‌ହେସି ଅ଼ଡ଼େ ଏ଼ ଦେବୁଣିଏ ନିଙ୍ଗିତେ । 26 ଇଞ୍ଜାଁ ଈ କାବ୍ରୁ ଏ଼ ଦେ଼ସାତି ସା଼ରିୱାକି ୱେ଼ଙ୍ଗିତେ ।

27 ଜୀସୁ ଏମ୍ବାଟି ହାଜିମାଚି ବେ଼ଲାତା ରିଆରି କା଼ଣାୟାଁ କାଜା ଗିୟାଁତଲେ ହା଼ଟିହିଁ ଏଲେଇଚେରି, "ଏ଼ ଦାୱୁଦ ମୀର୍‌ଏଣାତି ମାଙ୍ଗ କାର୍ମା ମେସ୍ତାମୁ ।"

28 ଇଞ୍ଜାଁ ଜୀସୁ ଇଲୁ ବିତ୍ରା ହ଼ଡାଲିଏ ଏ଼ କା଼ଣାୟାଁ ଜିକେଏ ଏ଼ୱାଣି ଡାଗେ ୱା଼ତେରି, ଇଞ୍ଜାଁ ଜୀସୁ ଏ଼ୱାରାଇଁ ଏଲେଇଚେସି, ମାଙ୍ଗେ ନେହିଁ କିହାଲି ଆ଼ଡାନେସି ଇଞ୍ଜିଁ ମୀରୁ ନାମିମାଞ୍ଜେରି ?

ଏ଼ୱାରି ଏଲେଇଚେରି "ହାଅ ପ୍ରବୁ ।"

29 ଏଚେଟିଏ ଜୀସୁ ଏ଼ୱାରି କାଣ୍‌କା ଡୀଗାହାଁ ଏଲେଇଚେସି, "ମୀ ନାମିନି ଲେହେଁ ମିଙ୍ଗେତାକି ଆ଼ପେ ।" 30 ଏଚେଟିଏ ଏ଼ୱାରି ମେସାଲି ଆ଼ଡିତେରି, ଅ଼ଡ଼େ ଜୀସୁ ଏ଼ୱାରାଇଁ ଜାଣ୍ତେ ହୁକୁମି ହୀହାଁ ଏଲେଇଚେସି, "ହେଣ୍ତୁ ଈ ହା଼ଡା ଆମ୍ବାଆରି ଜିକେଏ ପୁନଅରି ।"

31 ସାମା ଏ଼ୱାରି ପାଙ୍ଗାତା ହାଜାହାଁ ଜୀସୁତି ହା଼ଡା ଦେ଼ସାତି ସା଼ରିୱାକି ୱେସ୍ତେରି ।

32 ଏ଼ୱାରି ହ଼ଚା ହାଜିମାଚାଟି ଲ଼କୁ ର଼ ଜ଼ଲାଲି ଆ଼ଡାଆଗାଟି ବୂତୁ ଆଲ୍‌ଗା ମାଚାଣାଇଁ ଜୀସୁ ନ଼କିତା ତାତେରି । 33 ଜୀସୁ ବୂତୁଇଁ ପେ଼ର୍‌ହା ପାଣ୍ତିତି ଦେବୁଣିଏ ଏ଼ୱାସି ଜ଼ଲାଲି ଆ଼ଡିତେସି, ଏଚେଟିଏ ଲ଼କୁ କାବାଆ଼ହାନା ଏଲେଇଚେରି, "ଇସ୍ରାୟେଲ ଦେ଼ସାତା ମା଼ମ୍ବୁ ଇଲେତି କାବାଆ଼ନି କାମା ଏଚେଲା ମେସାହିଲାଆତମି ।"

34 ✝ ୯:୩୪ ମାତି ୧୦:୨୫; ୧୨:୨୪; ମାର୍କ ୩:୨୨; ଲୂକ ୧୧:୧୫ ଏଚିବେ଼ଲା ପାରୁସିୟାଁ ୱେଚେରି, ଏ଼ୱାରି ଏଲେଇଚେରି, "ଈୱାସି ବୂତୁୟାଁ ପିସ୍‌ପି କିହିମାନେସି" ଏ଼ନାଆଁତାକି ଇଚିହିଁ ଏ଼ୱାସିକାଣି ସା଼ଲୱି କିହିମାନି ବା଼ଲ୍‌ପେ଼ନୁ ଏ଼ୱାଣାକି ବା଼ଡ଼୍‌ୟୁ ହୀହିମାନେ ଲାକା ଆ଼ଡିମାନେସି । 35 ✝୯:୩୫ ମାତି ୪:୨୩; ମାର୍କ ୧:୩୯; ଲୂକ ୪:୪୪ଏମ୍ବାଟିଏ ଜୀସୁ ଏ଼ୱାରି ଜୀହୁଦି ଲ଼କୁତି କୁଟମି ଇଲ୍‌କାଣା*୯:୩୫ ସିନଗଗ୍‌ ଜା଼ପ୍‌ହିହିଁ ମାହାପୂରୁ ରା଼ଜିତି ନେହିଁ କାବ୍ରୁ ୱେସିହିଁ ବାରେଲେହେଁତି ର଼ଗ ନ଼ମେରି ଦୁକାଟି ନେହିଁ କିହିହିଁ, ବାରେ ଗା଼ଡ଼ାୟାଁ ଇଞ୍ଜାଁ ନା଼ସ୍‌କାଣାଁ ରେ଼ଜାଲି ମା଼ଟ୍‌ହେସି ।

36 ✝ ୯:୩୬ ମାର୍କ ୬:୩୪ ଅ଼ଡ଼େ ବାରେ ଲ଼କୁଣି ମେସାହାଁ ଏ଼ୱାସି କାର୍ମା ଆ଼ତେସି, ଇଚିହିଁ ଏ଼ୱାରି ଗ଼ଡ଼ୁ ହିଲାଆ ମେ଼ଣ୍ତାୟାଁ ଲେହେଁ କା଼କୁଲିଟି ଇତାଲା ଆତାଲା ଆ଼ହିମାଚେରି । 37 ✝୯:୩୭ ଲୂକ ୧୦:୨ଏଚିବେ଼ଲା ଜୀସୁ ତାମି ସୀସୁୟାଁଇଁ ଏଲେଇଚେସି, "ପା଼ଚି ହା଼ରେକା ସାମା ଦା଼ଃଆନାରି ଊଣା ଜା଼ଣା । 38 ଏ଼ଦାଆଁତାକି ପା଼ଚି ଜା଼ଚାଲି, ଲ଼କୁଣି ପାଣ୍ତାଲିତାକି ଗୁଡିୟାତି ସା଼ୱୁକାରିଇଁ ବାତିମା଼ଲାଦୁ ।"