5 Aw kamu uman na bagu pa ya ginawa, pagka͡agadan mayu ya kamayu manga maggagaday. Aw ya kadég mayu na nyangintu-u, magpadalem ya tagsambuksambuk adti eped mayu. Kay awun pigpasulat na Tyumanem: "Balabagan na Tyumanem ya utaw na magpatastas, manang kallatan nan ya utaw na magpadalem."*5:5 Mabasa adti Probirbiyo 3:34 aw Santiago 4:6. 6 Yanagaw pagpadalem kamu adti asdangan na Tyumanem na To-o Matulus. Kay kun imo-un mayu yeiy, dumateng ya allaw na patasen kamu nan.