ପେଡ଼ିଆନି ବିସୟ୍ତାନ୍ ନିୟମ୍
1 ମିର୍ ଆମାୱିଜୁ ବିସୟ୍ ରାସ୍ତିମାନିଦେର୍, ଇଲେଇ ନାନ୍ ଆୟାୱିଜୁଦି ଉତର୍ ୱେର୍ନା । ପେଡ଼ି ଆଇକା ନେଗେତ୍ । 2 ମାତର୍ ଦାରିପାଣିଦି କିନି ଆସାଦି ଉଣ୍ତିଙ୍ଗ୍ ୱିଜେରେ ମେମାର୍ଙ୍ଗୁଁ ନିଜେଦି ଆଡ଼୍ସିକ୍ ମାନିକା, ମାରି ୱିଜୁଲୋକ୍ ଆଇମେକା ନିଜେଦି କନ୍ଲିର୍ ମାନିକା ଦରକାର୍ । 3 କନ୍ଲି, ଆଡ଼୍ସି ଉଣ୍ତିଙ୍ଗ୍ ନିଜେଦି ମେନ୍ଧଲ୍ ପୁରା କିନିକା ମାରି ଆଡ଼୍ସି କନ୍ଲି ଉଣ୍ତିଙ୍ଗ୍ ନିଜେଦି ମେନ୍ଦଲ୍ତି ପୁରା କିନିକା ମାନାତ୍ । ମାରି ରିଏର୍ ରିଏରି ଦର୍କାର୍ ପୁରା କିନି ନିୟମ୍ । 4 ନିଜେଦି ମେନ୍ଦଲ୍ତି ମୁସ୍କୁ ଆଡ଼୍ସିଦି ଅଦିକାର୍ ସିଲେତ୍, ମାତର୍ କନ୍ଲିନ୍ଦି ଅଦିକାର୍ ମାନାତ୍; ଆୟାୱାଜା ବା କନ୍ଲିଦି ନିଜେଦି ମେନ୍ଦଲ୍ତି ମୁସ୍କୁ ଅଦିକାର୍ ସିଲେତ୍, ମାତର୍ ଆଡ଼୍ସିନ୍ଦି ଅଦିକାର୍ ମାନାତ୍ । 5 ନିଜେନିଜେଦିଙ୍ଗ୍ ୱାର୍ ଆକ ତେବାମାକିର୍ । ମାତର୍ ରିଏର୍ ମତାମ୍ ଆଜି ପାର୍ତାନାଦୁ ସମୟ୍ସିନି ଉଣ୍ତିଙ୍ଗ୍ ଏସ ସମୟ୍ ୱେର୍ଏ ତେବାଦେଙ୍ଗ୍ ଆଟ୍ନାର୍ । ମାରି, ମି ଜିବନ୍ତୁମିସାନି ଉଣା ଉଣ୍ତିଙ୍ଗ୍ ସୟ୍ତାନ୍ ଏଣ୍ତେସ୍ ୱାରିଙ୍ଗ୍ ପରିକା କିଏତ୍, ଆୟାଉଣ୍ତିଙ୍ଗ୍ ୱାର୍ ମାରିଡ଼େସି ଉନ୍ଡ୍ରେମାନୁ ଆପିର୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)