28 କନ୍‍ଲିସିର୍‍ ନିଜେଦି ମେନ୍ଧଲ୍‍ ୱାଜା ଅଡ଼୍‍ବିଜି ନିଜେଦି ଆଡ଼ିଦିଙ୍ଗ୍‍ ଜିବନ୍‌ନୋନିକା ମାନାତ୍‌ । ଏନ୍‌ ନିଜେ ଆଡିଦିଙ୍ଗ୍ ଜିବନ୍‌ନୋନାନ୍‌, ୱାନ୍‌ ନିଜେଦିଙ୍ଗ୍ ଜିବନ୍‌ନୋନାନ୍‌ । 29 ଏନ୍‌ ଏସାଙ୍ଗ୍‍ ନିଜେଦି ମେନ୍ଦଲ୍‌ତିଙ୍ଗ୍‌ କାଡ଼୍‍ଏନ୍‍ । ମାତର୍‌ ମେନ୍ଦଲ୍‍ତି ଉଣିକାତିନିକା କିନାନ୍‍ ମାରି ତାନି ଜାତୁନ୍‍ ଅନାନ୍‍ କ୍ରିସ୍ତ ଏଣ୍ତେସ୍‌ ମଣ୍ତଲିଦି ଜାତୁନ୍‍ କିନାନ୍‍ । 30 ଇରିଙ୍ଗ୍‌ ମାଡ୍‌ ୱାନି ମେନ୍ଦଲ୍‌ତି ମେନ୍ଦଲକାନ୍ଦଲ୍‍ । 31 ଦାର୍ମୁସାସ୍ତ୍ରଦୁ ରାସାତାମାନାତ୍‌, "ଇୟାଉଣ୍ତିଙ୍ଗ୍‌ ଅରେନ୍‌ ମେମାର୍‌ଏନ୍‌ ନିଜେଦି ବୁବାୟାୟେଙ୍ଗ୍‌ ଡ଼ିସ୍‌ସି ନିଜେଦି ଆଡ଼୍‌ସି ୱାଲେ ତେବାନାନ୍‌ ମାରି ଆୟା ରିଏର୍‌ ଅରେନ୍‌ଆନାର୍‍ ।" 32 ସାସ୍ତ୍ରଦି ଇୟା ବାଗ୍‍ତୁ ଉନ୍‌ଡ୍ରି ମାର୍‍ଗିତି ସତ୍‍ ୱେଙ୍ଗିଁତା ମାନାତ୍‌ : ଇକା କ୍ରିସ୍ତ ନି ମଣ୍ତଲି ଉଣ୍ତିଙ୍ଗ୍‌ ବ୍ୟବହାର୍‌ କିଜିନା ଇଜି ନାନୁ ବୁଜାତାମାନା । 33 ୱିଜୁ କନ୍‌ଲିର୍‌ ଆଡ଼ିଦିଙ୍ଗ୍‍ ନିଜେଦି ଜିବନ୍‌ନୋନି ୱାଜା ଜିବନ୍‌ନୋପିନ୍‍ ମାରି ୱିଜୁ ଆଡ଼ି ନିଜେଦି କନ୍‍ଲିଙ୍ଗ୍‍ ମାନାପିଉ ।