ଏବ୍ରି 10

1 ମୋସାଦି ନିୟମ୍‌ ସତ୍‌ ବିସୟଦି ଉଣ୍ତ୍ରି ପୁରା ମାରି ଟିକ୍‌ଆୟାନାନି ମୁର୍ତି ଆଏତ୍‌, ଇକା ୱାଜିନିଦିନ୍‍ତି ନେଗି ବିସୟଦି ଉଣ୍ତ୍ରି ନେସ୍‍ନିନାନି‌ ମାଟା ମାତ୍ର । ୱିଜୁୱାଲେ ବାର୍ସେକ୍‌ତିଙ୍ଗ୍‍ ବାର୍ସେକ୍ ଆୟା ଉନ୍‍ଣ୍ତ୍ରି ରକମ୍‍ତି ପୁଜା କିଆୟ୍‍ଆଜିନାତ୍‍ । ଏମେକାର୍ ମାପୁରୁଦି ଲାକୁତୁ ୱାନାର୍, ନିୟମ୍‍ଦି ଆୟାୱିଜୁ ବଲିଦାନ୍‌ତାନ୍ ୱାର୍‌ ଇନିକା ନେଗିକା ଆଦେଙ୍ଗ୍‌ ଆଟ୍‍ସିନାର୍ ? 2 ଇୟାୱାଜାନେ ମାପୁରୁଦି ଉପାସ୍‌କିନିକାର୍‌ ଜଦି ସତ୍‌ତାନ୍‌ ପାପ୍‌ଦାନ୍ ନେଗେନ୍‍ ଆଦେଙ୍ଗ୍‌ ଆଟ୍‍ତାର୍‍ମାନ୍ଦି, ଆର୍‌ତିଙ୍ଗ୍‌ ୱାର୍‌ ମାରି ନିଜେଦି ବୁଦିଦିଙ୍ଗ୍ ପାପି ଇଜି ଅଡ଼୍‍ବିଏତାର ମାନ୍ଦି ମାରି ୱିଜୁ ପୁଜାସିନିକା ୱିଜିତାତ୍‍ମାନ୍ଦି । 3 ମାତର, ଆୟାୱାଜା ଆଏଜି ବାର୍ସେକ୍‍ତିଙ୍ଗ୍‍ ବାର୍ସେକ୍ ପୁଜାସିନି ମାଡ଼ାନ୍ ଲୋକୁଦିଙ୍ଗ୍ କେବଲ ୱାନି ପାପ୍‌ ବିସୟ୍‌ ଏତ୍‍ କିବିସ୍‍ କିଆୟ୍‍ଆଜିନାତ୍‍ । 4 ଇରିଙ୍ଗ୍‌ ଡ଼ାନ୍‌ ନି ଗରିଏଙ୍ଗାଁ ନେତେର୍‌ ଏସାଙ୍ଗ୍‍ବା ପାପ୍‌ କେମା କିଦେଙ୍ଗ୍‌ ଆଟ୍‍ଏତ୍ ।