13 ନାସ୍ତିୱାଲେ ଜିହୁଦିର୍‌ ନିସ୍ତାର୍‌ ପଣ୍ତୟ୍‌ ଲାକ୍‌ତୁ ଇଗାୱାତା ମାର୍‌ଆତ୍‌, ମାରି ଜିସୁ ଜିରୁସାଲାମ୍‍ତୁ ସର୍‌ଆନ୍‌ । 14 ମାରି, ଜିସୁ ମନ୍ଦିର୍‌ତୁ ଡ଼ାକ୍‍, ମେଣ୍ଡେଙ୍ଗ୍‌ ମାରି ପାର୍‌ୱେଙ୍ଗ୍‌ ପୋର୍‍ନିୱାରିଙ୍ଗ୍‍ ମାରି ଡାବୁଙ୍ଗୁଁ ପର୍‍ନିୱାରିଙ୍ଗ୍‍ ବାସ୍‍ତିମାରିକା ସୁଡ଼ୁତାନ୍‌ । 15 ଆବେଟ୍‌ ୱାନ୍‌ ନାସ୍‍ତାନ୍‍ ଉଣ୍ତ୍ରି କରଡ଼ା ତିଆର୍‌ କିଜି ମେଣ୍ଡେଙ୍ଗ୍‌ ନି ଡ଼ାକାୱାଲେ ୱିଜେରିଙ୍ଗ୍‍ ମନ୍ଦିର୍‌ତାନ୍‌ ସପ୍‌ତା ସିତାନ୍‌ । ମାରି, ଡାବୁଙ୍ଗୁଁ ପର୍‌ନିୱାରି ଡାବୁଙ୍ଗୁଁ ଆଡ୍‍ଗି ୱିତ୍‍ସିପକ୍‍ସି ୱାରି ଟେବୁଲ୍‍ଙ୍ଗୁଁ ମାର୍‍ତାପକ୍‍ତାନ୍‍ । 16 ମାରି, ୱାନ୍‌ ପାର୍‌ୱେଙ୍ଗ୍‌ ପର୍‍ନିୱାରିଙ୍ଗ୍‍ ଇର୍‌ଆନ୍‌, ଇକେଙ୍ଗ୍‍ ୱିଜୁ ଇବେଟ୍‌କୁ ଅତୁ, ନା ବୁବାଦି ଇଲ୍‍ତିଙ୍ଗ୍‍ କଣି ପର୍‌ନି ଇଲୁ କିମାଟ୍‌ । 17 ଇକା ସୁଡ଼୍‌ଜି ୱାନି ସିସୁର୍‍ ସାସ୍ତ୍ରଦୁ ରାସାତାମାନାତ୍‌ ଇଜି ଏତ୍‍କିତାର୍‍, "ନି ଇଲୁଦିଙ୍ଗ୍‍ ନା ଦ୍ୟାନ୍‍, ନା ଲୋଇ ସିସୁ କାସ୍‍ନି ୱାଜା ଆଜିନାତ୍‍ ।"