34 ମାତର୍‌ ମରିୟମ୍‌ ଦୁତ୍‌ତିଙ୍ଗ୍‌ ଇର୍ହାତ୍‌, "ଇକା ଏଣ୍ତେସ୍‌ ଆନାତ୍‌ ?" ନାନ୍ ତୋ ମେମାରିଙ୍ଗ୍‍ ନେସେଏ ।

35 ଦୁତ୍‌ ତାନେଙ୍ଗ୍‌ ଇର୍ହାତ୍‌, "ପବିତ୍ର ଆତ୍ମା ନି ମୁସ୍‌କୁ ୱାନାତ୍‌ ମାରି ପେରି ମାପୁରୁଦି ସାକ୍ତି ନିଂଇ ଆସ୍‌ନାତ୍‌, ଏନ୍‌ ଜନମ୍‌ ଆନାନ୍‌, ୱାନ୍‌ ପବିତ୍ର ମାରି ମାପ୍‌ରୁଦି ମାର୍‌ସି ଇଜି ୱେଙ୍ଗ୍‌ଁନାନ୍‌ । 36 ମାରି ସୁଡ଼ୁଦୁ, ମି ଲୋକ୍‍ବାକ୍‍ ଏଲିସାବେତ୍‍ ବା ଡକ୍ରି ଆତି ୱାଲେନେ ଉଣ୍ତ୍ରି କଡ଼ଦିଙ୍ଗ୍‌ ପଟାଦୁ ଆସ୍‌ତା ମାନାତ୍‌ । ଏଦ୍‌ ବାଞ୍ଜି ଇଜି ୱେଙ୍ଗିଁତା ମାର୍‌ଆତ୍‌, ତାନେଙ୍ଗ୍‌ ଇଲେଇ ସଗୋଟା ଲେଜ୍‌କୁ ଆଜିନାତ୍‍; 37 ମାତର୍‌ ମାପୁରୁଦିମାଣ୍‌କୁ ସୋନି ୱିଜୁ ବାକ୍ୟ ସତ୍‌ ଆନାତ୍‌ ।"

38 ଆବେନୁ ମରିୟମ୍‌ ଇର୍ହାତ୍‌, "ସୁଡ଼ୁଦୁ, ନାନୁ ପ୍ରବୁଦି ସେବାକିନିକିନ୍ଧା; ନି ବାକ୍ୟଦି ୱାଜା ନା ଉଣ୍ତିଙ୍ଗ୍‌ ଗଟାପିତ୍‌ ।" ତାନେ ୱେନ୍‌କା ଦୁତ୍‌ ତାନେ ଲାକ୍‌ତୁରାନ୍‌ ସର୍‌ଆତ୍‌ ।