ଜିକରିୟଦି ବାବବାଣି
67 ମାରି, ଜୋହନଦି ବୁବା ଜିକରିୟ ପବିତ୍ର ଆତ୍ମାଦୁ ପୁରା ତେବାଜି ଇୟା ବାବବାଣି ଇର୍ହାନ୍,
68 "ଦନ୍ୟ ପ୍ରବୁ, ଇସ୍ରାଏଲ୍ତି ମାପୁରୁ,
ଇରିଙ୍ଗ୍ ୱାନ୍ କାର୍ମୁ ସୁଡ଼ୁଜି ନିଜେଦି ଲୋକା ଉଣ୍ତିଙ୍ଗ୍ ରକିୟା କିତାମାନାନ୍;
69 ୱାନ୍ ନିଜେଦି ଦାସ୍ ଦାଉଦଦି କୁଟୁମ୍ତି ଅରେନ୍ ସାକ୍ତିମାନି ରକିୟା କିନିୱାନିଙ୍ଗ୍ ମାଙ୍ଗିଁ ସିତାମାନାନ୍
70 ପୁର୍ବେ କାଡ଼ାଦାନ୍ ନିଜେଦି ପବିତ୍ର ବାବବାଦିରି ୱେୟୁଦାନ୍ ଏଣ୍ତେସ୍ ଇର୍ହା ମାର୍ଆର୍,
71 ଆୟାୱାଜା ମା ସାତ୍ରୁରିମାଣ୍କୁ ମାରି ମାଙ୍ଗିଁ ୱିଜୁ କାଡ଼୍ନିୱାରି କିକାଣ୍କୁ ରକିୟା କିତାମାନାନ୍,
72 ଏଣ୍ତେସ୍ ୱାନ୍ ମା ପୁର୍ବେଦିଡକ୍ରାଦାଦାରି ଉଣ୍ତିଙ୍ଗ୍ ଦୟା ତର୍ନାନ୍ ମାରି ୱାରି ୱାଲେ କିତିମାନି ନିଜେଦି ଆୟା ନିୟମ୍ ଏତ୍କିନାର୍ ।
73 ଆମାକା ୱାନ୍ ମା ବୁବା ଅବ୍ରାହାମତି ଲାକ୍ତୁ ପାର୍ମାଣ୍ କିତାମାର୍ହାନ୍,
74 ମାରି ମାପ୍ ମା ସାତ୍ରୁରିକିୟୁଦାନ୍ ରକିୟା ପୟ୍ତାମାନାପ୍,
75 ଏଣ୍ତେସ୍ ମାପ୍ ଜିନି ସାନ୍ଧି ତିଲାଏଣ୍ଗା, ପବିତ୍ରଦାନ୍ ମାରି ଦାର୍ମୁଦାନ୍ ୱାନି ସେବା କିଦେଙ୍ଗ୍ ଆଟ୍ନାପ୍ ।"
76 "ଏ ମାରିନ୍, ନିନ୍ ୱିଜେରିଙ୍ଗ୍ ପେରି ମାପୁରୁଦି ଅରେନ୍ ବାବବାଦି ଇଜି ୱେଙ୍ଗ୍ନି । ନିନ୍ ପ୍ରବୁଦି ଅରେନ୍ ଦୁତ୍ ୱାନି ଉଣ୍ତିଙ୍ଗ୍ ୱାନି ସାରି ତିଆର୍ କିନାତ୍ ।
77 ପାପ୍କେମା ପଇନି ମାଣାନ୍ ୱାର୍ ଜେ ରକିୟା ପୟନାର୍, ୱାନି ଲୋକାଙ୍ଗ୍ ଇୟା ମାଟା ଇଣ୍ତ୍ରେଙ୍ଗ୍ ସନାର୍ ।
78 ମାରି ମା ମାପୁରୁ କାର୍ମୁସୁଣିକାନ୍ ମାରି କଡ଼୍କିଜିବନ୍ ୱାନ୍ ମା ଉଣ୍ତିଙ୍ଗ୍ ରକିୟାଦି ୱେଡ଼ା ସପ୍ନାନ୍,
79 ଏମେକାର୍ ସାନିୱାଜା ସିକାଟିଦି ସିତିଡ଼ିଦୁ ବାସାନାର୍, ସାନ୍ତି ସାରିଦୁ ୱାରିଙ୍ଗ୍ ତର୍ସି ଅନିଉଣ୍ତିଙ୍ଗ୍ ୱାନ୍ ୱିଜେରି ମୁସ୍କୁ ଜାୟ୍ ସିନାନ୍ ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)