ଜିସୁଦି ଜନମ୍
1 ଆୟାୱାଲେ ରୋମିୟ ଦେସ୍ତି ପେରିରାଜା ଅଗସ୍ଟ କାଇସର୍ ମାଣ୍କୁ ଦେସ୍ତି ୱିଜୁ ଲୋକା ଦର୍କୁ ରାସାନି ଉଣ୍ତିଙ୍ଗ୍ ମାଟା ୱେର୍ତାର୍ । 2 ସିରିଆଦି ସାସନ୍କିନି କୁରିଣିୟଦି ସମୟତୁ ପାର୍ତୁମ୍ତୁ ଇୟା ଲୋକୁ ଲେକିସ୍କିନିକା ଆତାମାର୍ଆତ୍ । 3 ଆୟା ଉଣ୍ତିଙ୍ଗ୍ ୱିଜେରେ ଦର୍ ରାସ୍ନି ଉଣ୍ତିଙ୍ଗ୍ ନିଜେ ନିଜେଦି ଗାଡ଼୍କାଙ୍ଗ୍ ସର୍ଆର୍ ।
4 ମାରି, ଜୋସେପ ବା ଦର୍ ରାସ୍ନି ଉଣ୍ତିଙ୍ଗ୍ ମରିୟମତି ୱାଲେ ଗାଲିଲିଦି ନାଜରିତ ଗାଡ଼୍ତାନ୍ ଜିହୁଦା ଦେସ୍ତି ବେତଲିହିମ୍ ଦର୍ଦି ଦାଉଦତି ଗାଡ଼୍ତୁ ସର୍ଆର୍, ଇରିଙ୍ଗ୍ ୱାନ୍ ଦାଉଦତି କୁଟ୍ମୁ ମାରି କୁଦାଦି ଲୋକୁ ମାର୍ଆର୍; 5 ଜୋସେପ ପେଡ଼ି ଆଦେଙ୍ଗ୍ ଲସ୍ସାୟ୍ଆତି ମରିୟମତି ୱାଲେ ଦର୍ ରାସ୍ତେଙ୍ଗ୍ ସର୍ହାନ୍ । ମାରି ମରିୟମ୍ ପଟାଦୁ ମାର୍ଆତ୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)