31 ଜିସୁ ମାରି ଇର୍ଆନ୍, ଆରିଙ୍ଗ୍ ନାନ୍ "ଇୟା ଆଜିକାଲ୍ତି ଲୋକାଙ୍ଗ୍ ଏମେତାନିୱାଲେ ତୁସ୍ନା, ମାରି ୱାର୍ ଏୱାଜା ?" 32 ଏମେ କଡ଼ର୍ ସାତା ସାଉକାଦୁ ବାସ୍ସି ନିଜେନିଜେ କୁକ୍ସି ଇନାର୍, ମାପ୍ ମି ଲାକ୍ତୁ ପିରଡ଼ି ଉକୁତାପ୍, ମିର୍ ଗାତ୍ଏତିଦେର୍, ମାପ୍ ଦୁକ୍ତି ପାଟା ପାରିତାପ୍, ମିର୍ ଆଡ଼ାବାଇତିଦେର୍, ୱାର୍ ୱାରି ୱାଜା । 33 ଇରିଙ୍ଗ୍ ଡୁବନ୍ସିନି ଜୋହନ ୱାଜି ରୁଟି ତିନ୍ଏତାନ୍ ମାରି ଅଙ୍ଗୁର୍ରସ୍ ଉଣୁଏତାନ୍, ମାରି ମିର୍ ଇର୍ଇଦେର୍, ୱାନ୍ ଦୁବାକାସ୍ତିକାନ୍ । 34 ମନୁସ୍ୟପୁତ୍ର ୱାଜି ଉଣାନ୍ ତିନାନ୍, ମାରି ମିର୍ ଇଜିନିଦେର୍, ସୁଡ଼ୁଦୁ, ୱାନ୍ ଅରେନ୍ ପେଟୁ ନି ମଦୁଆ, ସିସ୍ଟୁ ଲୋସ୍ନିୱାରି ମାରି ପାପି ଲୋକା ତଡ଼୍ ।
35 ମାତର୍ ଏମେକାର୍ ମାପୁରୁଦି ବୁଦିଦିଙ୍ଗ୍ ମାନାନାର୍, ୱାରି ଜିବନ୍ତୁ ତାନି ସତ୍ ବିସୟ୍ ପାର୍ମାଣ୍ଆତାନ୍ ।
ପାରୁସି ସିମନ୍କା ଇନ୍ଡ୍ର ଜିସୁ
36 ମାରି, ପାରୁସିର୍ ମାଣାନ୍ ଅରେନ୍ ଜିସୁଙ୍ଗୁଁ ୱାନିୱାଲେ ଉଣ୍ତେଙ୍ଗ୍ କୁକ୍ତାନ୍ । ଆବେନ୍ ୱାନ୍ ପାରୁସିର୍ ଇନ୍ଡ୍ର ଡ଼ୁଗୁଜି ଉଣ୍ତେଙ୍ଗ୍ ବାସ୍ତାନ୍ । 37 ୭:୩୭ ମାତିଉ ୨୬:୭; ମାର୍କ ୧୪:୩; ଜୋହନ ୧୨:୩.ମାରି ସୁଡ଼ୁଦୁ, ଆୟା ଗାଡ଼୍ତୁ ଅରେତ୍ ପାପି ଆଇମା ମାର୍ଆତ୍; ଜିସୁ ଆୟା ପାରୁସିର୍ ଇନ୍ଡ୍ର ଉଣ୍ତେଙ୍ଗ୍ ବାସ୍ତା ମାର୍ଆନ୍, ଇୟାକା ନେସ୍ସି ୱାଦ୍ ଉଣ୍ତ୍ରି ସାଟିଦୁ ବାସ୍ନା ନିୟୁ ତାତାତ୍ଦୋ,
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)