ଜିସୁ ଗାଲି ପିରୁଦିଙ୍ଗ୍ ତିର୍ କିତାନ୍
22 ଆୟା ୱେଡ଼ାଦୁ ଅର୍ନେଣ୍ତେ ଜିସୁ ମାରି ୱାନି ସିସୁର୍ ଉଣ୍ତ୍ରି ଡଙ୍ଗାଁଦୁ ଏକ୍ତାର୍, ମାରି ୱାନ୍ ୱାରିଙ୍ଗ୍ ଇର୍ହାନ୍, "ରାଦୁ, ସାମ୍ଦୁରୁତି ଆୟା ପାଡ଼ି ସନାଟ୍ ।" ଆବେଟ୍ ୱାର୍ ଡଙ୍ଗାଁ କୁତାରଡ଼ିସିତାର୍ । 23 ମାତର୍ ୱାର୍ ଡଙ୍ଗାଁଦୁ ସନି ୱେଡ଼ାଦୁ ୱାନ୍ ଡରିତାମାର୍ହାନ୍ । ଆୟା ୱେଡ଼ାଦୁ ସାମ୍ଦୁରୁତୁ ଗାଲି ଆତାତ୍, ମାରି ୱାରି ଡଙ୍ଗାଁଦୁ ଏରୁ ପୁରୁନ୍ ଆଦେଙ୍ଗ୍ ଆରାମ୍ଆତେ ମାରି ୱାର୍ ବାଦାଦୁ ପଡ଼େଆତାର୍ । 24 ଆବେନୁ ସିସୁର୍ ଲାକ୍ତୁ ୱାଜି ଜିସୁଙ୍ଗୁଁ ନିକ୍ସି ଇର୍ହାର୍, "ଏ ଗୁରୁ, ଏ ଗୁରୁ ମାପ୍ ସାତାପ୍ ।" ଇବେନୁ ୱାନ୍ ନିଙ୍ଗିଁଜି ଗାଲି ମାରି ନାଣ୍ତ ସାମ୍ଦୁରୁତି ଏରୁଦିଙ୍ଗ୍ ଆଦ୍ରିସ୍ତାନ୍, ମାରି ଆୟାୱିଜୁ ତିର୍ ଆଜି ସାନ୍ତି ଆତାତ୍ । 25 ମାରି, ଜିସୁ ସିସୁରିଙ୍ଗ୍ ଇର୍ଆନ୍, "ମି ବିସ୍ବାସ୍ ଏମେଦି ?" ମାତର୍ ୱାର୍ ତିଲାଜି ମାରି ଚମ୍କେ ଆଜି ନିଜେ ନିଜେଦି ମାନୁ ଇନ୍ଡ୍ରେଙ୍ଗ୍ ଆସ୍ତାର୍, "ଇକାନ୍ ଆତିଙ୍ଗ୍ ଏନ୍ ଜେ ? ଗାଲି ନି ଏରୁଦିଙ୍ଗ୍ ବା ଆଦେସ୍ ସିଜିନାନ୍, ଗାଲି ନି ଏରୁଡର୍ ୱାନି ମାଟା ମାନ୍ଜିନେ ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)