ଜିସୁ ଗଲୁତକାଲାଟାଦି ବିସୟ୍ତାନ୍ ବୁଜାକିତାନ୍
36 ଲୋକା ଗଲିଦାନ୍ ସହସି ୱାଜି ଜିସୁ ଏସ୍ତିୱାଲେ ଇଲୁ ଲୋଇ ସର୍ହାନ୍, ୱାନି ସିସୁର୍ ୱାଜି ୱେନ୍ବାତାର୍, "କିଡ଼ିଇଦି ଗଲୁତକାଲାଟାଦି କାତାଦି ଅର୍ତ ମାଙ୍ଗିଁ ବୁଜାକିଆ ।"
37 ଜିସୁ ଇର୍ହାନ୍, ଏମେ ଲୋକୁ ନେଗି ୱିତୁ ୱିତ୍ତାନ୍, ୱାନ୍ ମନୁସ୍ୟପୁତ୍ର । 38 ଇୟା ଦୁନିଆ ଆଜିନାତ୍ କିଡ଼ିଇ । ଏମେକାର୍ ମୁସ୍କୁପୁର୍ତି ଅଦିକାରି, ୱାର୍ ନେଗି ୱିତୁ । ଗଲୁତକାଲାଟେଙ୍ଗ୍ ସୟତାନ୍ତି ୱାଲେ ବୁଲାନିକାର୍ । 39 ଏମେ ସାତ୍ରୁ ଗଲୁତକା ଲାଟା ୱିତ୍ତାନ୍, ୱାନ୍ ସୟତାନ୍ । ପାସି ଉଣ୍ତାକିନି ସମୟ୍ ଆଜିନାତ୍ ୱିଜ୍ନି ଜୁଗ୍ । ପାସି କୟ୍ନିକାର୍ ଆଜିନାର୍ ମୁସ୍କୁପୁର୍ତି ଦୁତ୍କୁ । 40 ଗଲୁତକା ଲାଟେଙ୍ଗ୍ ଏଣ୍ତେସ୍ ଉଡ୍ରେମାନୁ କିଜି ଆଡ଼୍କାଇଆତେ, ଜୁଗ୍ ୱିଜ୍ନିୱାଲେ ଆୟାୱାଜା ଆନାତ୍ । 41 ମନୁସ୍ୟପୁତ୍ର ୱାନି ରାଜିଦାନ୍ ୱିଜୁ ତାଗ୍ଇ ପାଣିକିନିୱାରିଙ୍ଗ୍ ନି ଏମେକାର୍ ଆଇୱାରିଙ୍ଗ୍ ପାପ୍ କିବିସ୍ କିଦେଙ୍ଗ୍ ଉତ୍ନାର୍, ୱାରିଙ୍ଗ୍ ଉଣ୍ତାକିଦେଙ୍ଗ୍ ଇଜି ମୁସ୍କୁପୁର୍ତି ଦୁତ୍କାଙ୍ଗ୍ ପକ୍ନାନ୍ । 42 ୱାର୍ ଇୟା ୱିଜେରିଙ୍ଗ୍ କାସ୍ନି ସିସୁଦୁ ପକ୍ନେ । ଆବେ ଇୟା ଲୋକୁ ଆଡ଼୍ବାନାର୍ ମାରି ପାଲ୍କୁ କାତ୍ରେ କିନାର୍ । 43 ନାସ୍ତିୱାଲେ ମାପୁରୁଦି ଲୋକୁ ମୁସ୍କୁପୁର୍ତି ବୁବାମାନୁ ୱେଡ଼ାଦି ୱାଜା ଜାୟ୍ ଆନାର୍ । ଏମେୱାନିଙ୍ଗ୍ ୱେନ୍ଡ୍ରେଙ୍ଗ୍ ଗିତଣିଙ୍ଗ୍ମାନେ, ୱାନ୍ ୱେନିନ୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)