ଅରେତ୍ ଆଇମାଦି ବିସ୍ବାସ୍
21 ଜିସୁ ଆୟା ବାଡି ଡ଼ିସ୍ତାନ୍ନୋ ସୋର ନି ସିଦନ୍ ରାଜିଦି ଗାଡ଼୍କାଙ୍ଗ୍ ସୋର୍ହାନ୍ । 22 ଆବେନୁ ତେବାଜି ମାନି ଅରେତ୍ କିଣାନିୟା ଆଇମା ଜିସୁଦି ଲାକ୍ତୁ ୱାଜି ଇର୍ହାତ୍, "ଏ ପ୍ରବୁ, ଦାଉଦତି ମାରିନ୍, ନାଙ୍ଗିଁ ଦୟା କିଆ । ନା ଗାଡ଼ିଙ୍ଗ୍ ଦୁବା ଆସ୍ତାମାନାତ୍ ମାରି ୱାଦ୍ ନାଣ୍ତ କାସ୍ଟୁ ବଗାଜିନାତ୍ ।"
23 ମାତର୍ ଜିସୁ ତାନେଙ୍ଗ୍ ପଦେକ୍ ମାଟାବା ଇନ୍ଏତାନ୍ । ମାରି ୱାନି ସିସୁର୍ ୱାଜି ୱାନିଙ୍ଗ୍ ମାଡ଼ିସ୍କିଜି ଇନ୍ଡ୍ରେଙ୍ଗ୍ ଆସ୍ତାର୍, "ତାନେଙ୍ଗ୍ ବେଗି ସନ୍ଡ଼୍ରେଙ୍ଗ୍ ଇନିଆ, ସୁଡୁଆ ୱାଦ୍ ଏଣ୍ତେସ୍ ଆଉଲି ଆଜି ମା ୱେନ୍କା ୱେନ୍କା ୱାଜିନାତ୍ ।"
24 ଜିସୁ ଇର୍ହାନ୍, "ନାନ୍ ଇସ୍ରାଏଲ୍ କୁଟୁମ୍ତି ମୁରିତିମାନି ମେଣ୍ତେଆଙ୍ଗାଁ ଡ଼ିସ୍ତିଙ୍ଗ୍ ମାରି ଏ ଲାକ୍ତୁ ରେଏ ।"
25 ଆଇମା ୱାଜି ଜିସୁଦି କାଲ୍କା ଆଡ୍ଗି ମେଣ୍ତେଙ୍ଗ୍ ଗଟ୍କିଜି ଇର୍ହାତ୍, "ଏ ପ୍ରବୁ, ନାଙ୍ଗିଁ ଦୟା କିଆ ।"
26 ଜିସୁ ଇର୍ହାନ୍ । "ଇରିଙ୍ଗ୍ କଡ଼ରି ବାଟା ଖାଦି ଅସି ନୁକୁଡ଼ିଆଙ୍ଗାଁ ମାନୁ ପୋକ୍ନିକା ନେଗେତ୍ ସିଲେ ।"
27 ଆଇମା ଇର୍ହାତ୍, "ଆକା ସତ୍ ପ୍ରବୁ, ମାତର୍ ନୁକୁଡ଼ିଙ୍ଗ୍ ବା ଟେବୁଲ୍ ଆଡ୍ଗି ଆର୍ନି ମାଲିକ୍କା ସକ୍ଡ଼ି ଉନ୍ଣ୍ତେ ପଇନେ ।"
28 ଜିସୁ ତାନିଙ୍ଗ୍ ଇର୍ହାନ୍, "ନିନୁ ଅରେତ୍ ଡାଟ୍ତି ବିସ୍ବାସ୍ତି । ନି ବଦା ପୁରା ଆନାତ୍ ।" ଆୟା ଦ୍ରାପେନେ ତାନି ଗାଡ଼୍ସି ନେଗେନ୍ ଆତାତ୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)