3 ୱାରି ଇୟା ମାଟା ୱେନ୍ଞ୍ଜି ରାଜା ହେରୋଦ ମାରି ଜିରୁସାଲାମ୍ତି ୱିଜେରେ ଲୋକୁ ନାଣ୍ତ କାବାଆତାର୍ । 4 ହେରୋଦ ୱିଜେରେ ପେରି ଜାଜକର୍ ମାରି ଦାର୍ମୁଗୁରୁରିଙ୍ଗ୍ କୁକ୍ସି ୱାରିଙ୍ଗ୍ ୱେନ୍ବାତାନ୍, "ମସିହ ଆମାକାନ୍କି କ୍ରିସ୍ତ ଆମାନ୍ ଜନମ୍ ଆନାନ୍ ?"
5 ୱାର୍ ଇର୍ହାର୍, ଜିହୁଦା ରାଜିଦି ବେତଲିହିମ୍ତୁ । ଇୟା ବିସୟ୍ତାନ୍ ଅରେନ୍ ବାବବାଦି ରାସ୍ତାମାନାନ୍ ।
6 ଜିହୁଦା ରାଜିଦି ବେତଲିହିମ୍,
ଜିହୁଦାଦି ପେରି ଗାଡ଼ାକା ଲୋଇ ନିନ୍ ଇସ୍ରିକିନ୍ଦା ସିଲେ,
ନିବାଣ୍କୁ ଅରେନ୍ ନେତା ୱାନାନ୍,
ଇରିଙ୍ଗ୍ ନା ଇସ୍ରାଏଲ୍ ଲୋକାଙ୍ଗ୍ ସାଲାକିନାନ୍ ।
7 ଇକା ୱେନ୍ଞ୍ଜି ହେରୋଦ ପୁର୍ବଦେସ୍ତାନ୍ ୱାତି ମାର୍ଇୱାରିଙ୍ଗ୍ ଉଣ୍ତ୍ରି ମାର୍କ୍ସି ୱାର୍ଗିନିସାନି କୁଟୁମ୍ତୁ କୁକିସ୍ କିଜି ଟିକ୍ ଆମା ସମୟ୍ତୁ ସୁକା ସତାମାର୍ହାନ୍, ୱାରି ମାଣ୍କୁ ୱେନ୍ବାତାନ୍ । 8 ୱେନ୍କା ୱାରିଙ୍ଗ୍ ବେତଲିହିମ୍ ଗାଡ଼୍କୁ ପୋକ୍ସି ଇର୍ହାନ୍, "ସାନ୍ଡ୍ରୁ, ଆୟା କଡ଼ଦିଙ୍ଗ୍ ନେଗେନ୍କିଜି ପୟ୍ଦୁ ମାରି ୱାନିଙ୍ଗ୍ ପୟ୍ତିଙ୍ଗ୍ ନାଙ୍ଗିଁ ୱେର୍ତୁ, ନାନ୍ ବା ସଲ୍ସି ୱାନିଙ୍ଗ୍ ମାଡ଼ିସ୍କିନା ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)