ଅରେତ୍ ୟାୟାଦି ମାଡ଼ିସ୍କିନିକା
20 ଇୟା ସମୟ୍ତୁ ଜେବଦିଦି ଆଡ଼୍ସି ତାନି ରିଏରି ମାରିସିରି ୱାଲେ ଜିସୁଦି ଲାକ୍ତୁ ୱାଜି, ଜିସୁଙ୍ଗୁଁ ମାଡ଼ିସ୍କିଜି ୱାନିମାଣାନ୍ ଇନିକା କିଦେଙ୍ଗ୍ ଲସ୍ତାତ୍ ।
21 ଜିସୁ ତାନିଙ୍ଗ୍ ୱେନ୍ବାତାନ୍, "ନିନ୍ ଇନିକା ବଦାକିଜିନି ?" ୱାଦ୍ ଇର୍ହାତ୍, "ନିନ୍ ଏସ୍ତିୱାଲେ ରାଜା ଆନି, ନା ଇୟା ରିଏର୍ ମାରିସିରିଙ୍ଗ୍ ନି ଉଣେରି କିୟୁ ତରିନ୍ ମାରି ଅରେନ୍ ଲୋକ୍ତିଙ୍ଗ୍ ନି ଡେବ୍ରିକିୟୁ ତରିନ୍ ବାସ୍ତେଙ୍ଗ୍ ମାଟା ସିଦା ।"
22 ଜିସୁ ଜେବଦିରି ରିଏର୍ ମାରିସିରିଙ୍ଗ୍ ଇର୍ହାନ୍, "ମିର୍ ଇନିକା ଲସ୍ସିନିଦେର୍, ଆୟାକା ମିର୍ ନେସ୍ତେଙ୍ଗ୍ କି ବୁଝାଦେଙ୍ଗ୍ ଆଟ୍ଏଜିନିଦେର୍ । ନାନ୍ ଏମେ ଦୁଃକ୍ବୋଗ୍ତି ଉଣିଡୁବାଇତାନ୍ ଉନ୍ଣ୍ତେଙ୍ଗ୍ ସୋଲ୍ସିନା, ମିର୍ ଇନିକା ଆବେଟ୍ତାନ୍ ଉନ୍ଣ୍ତେଙ୍ଗ୍ ଆଟ୍ନିଦେର୍ ?"
ୱାର୍ ଇର୍ହାର୍, "ହୁଁ ଆଟ୍ନାପ୍ ।"
23 ଜିସୁ ୱାରିଙ୍ଗ୍ ଇର୍ହାନ୍, "ମିର୍ ନା ଆୟା ଡୁବାଇତୁ ଉଣିଦେର୍ ସତ୍, ମାତର୍ ନା ଉଣେରି ମାରି ଡେବିରି ତରିନ୍ ବାସ୍ତେଙ୍ଗ୍ଇଜି ଏଙ୍ଗ୍ ଆସ୍କିଦେଙ୍ଗ୍ ଅଦିକାର୍ ନାଙ୍ଗିଁ ସିଲେତ୍ । ଆମାୱାରି ଉଣ୍ତିଙ୍ଗ୍ ନା ବୁବା ଆୟା ବାଡି ତିଆର୍ କିତାମାନାନ୍, ଆକା କେବଲ୍ ୱାରିଦି ।"
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)