35 ନାନ୍ ବାଙ୍ଗାଁଦୁମାର୍‌ଆ, ମିର୍‌ ନାଙ୍ଗିଁ ଉନ୍‌ଣ୍ତେ ସିତିଦେର୍‌; ନାନ୍ ଏର୍‌କିସାଜିମାର୍‌ଆ, ମିର୍‌ ନାଙ୍ଗିଁ ଏରୁ ଉନ୍‌ଣ୍ତେ ସିତିଦେର୍‌ । ନାନ୍ ଅରେନ୍‌ନେମାର୍‌ଆ, ମିର୍‌ ନାଙ୍ଗିଁ ମି ଇନ୍‌ଡ୍ର ବାଡି ସିତିଦେର୍‌ ।" 36 ନାନ୍ ଡୁମ୍‌ଡାମାର୍‌ଆ, ନାଙ୍ଗିଁ ଆଙ୍ଗିଁ ଆରିସ୍‌କିତିଦେର୍‌; ନାନ୍ ନବ୍‌ଆତାମାର୍‌ଆ, ନାଙ୍ଗିଁ ଜାତୁନ୍‍ କିତିଦେର୍‌, ନାନ୍ ଜଇଲ୍‌ତୁମାର୍‌ଆ, ନାଙ୍ଗିଁ ସୁଡ଼ୁଦେଙ୍ଗ୍‌ୱାତିଦେର୍‌ ।

37 ଦାର୍ମୁଦିଲୋକୁ ୱାନିଙ୍ଗ୍‌ ଇନାର୍‌, ପ୍ରବୁ ! ଏସ୍‌କାଙ୍ଗ୍‌ ନିଙ୍ଗିଁ ବାଙ୍ଗାଁଆତିକା ସୁଡ଼ୁଜି କାଦି ଉନ୍‌ଣ୍ତେଙ୍ଗ୍‌ ସିତାମାନାପ୍‌ ? ଏସ୍‌କାଙ୍ଗ୍‌ ନିଙ୍ଗିଁ ଏର୍‌କିସାନିକା ସୁଡ଼ୁଜି ଏରୁ ଉନ୍‌ଣ୍ତେଙ୍ଗ୍‌ ସିତାମାନାପ୍‌ ? 38 ମାରି, ଏସାଙ୍ଗ୍‍ ଅରେନ୍‌ନେ ସୁଡ଼ୁଜି ଇଲ୍‌ତୁ ତେବାଦେଙ୍ଗ୍‍ ବାଡି ସିତାମାନାପ୍‌ ? ମାରି ଡୁମ୍‌ଡାଆତିକା ସୁଡ଼ୁଜି ଆଙ୍ଗିଁ ଆରିସ୍‌ କିତାମାନାପ୍‌ ? 39 ଏସ୍‌କାଙ୍ଗ୍‌ ନିଙ୍ଗିଁ ନବ୍‌ଆତିକା ନି ଜଇଲ୍‌ତୁମାନିକା ସୁଡ଼ୁଜି ନି ଲାକ୍‌ତୁ ୱାତାପ୍‌ ? 40 ରାଜା ଇନାନ୍‌, ନାନ୍ ମିଙ୍ଗିଁ ସତ୍‌ ଇଜିନା, ଇୟା ନା ତଡ଼ାନ୍‌କା ଲୋଇରାନ୍‌ ୱିଜେରିଙ୍ଗ୍‍ ଇସ୍ରିୱାରି ଉଣ୍ତିଙ୍ଗ୍‌ ମିର୍‌ ଆମାକା ୱିଜୁ କିତିଦେର୍‌, ଆକା ନା ଉଣ୍ତିଙ୍ଗ୍‌ କିତିଦେର୍‌ ।