Mateus 8

2 ନାସ୍ତିୱାଲେ ଅରେନ୍‍ କୁସ୍ଟରୋଗ୍‌ତି ଲୋକ୍‌ ୱାନି ଲାକ୍‌ତୁ ୱାଜି ମାଡ଼ିସ୍‌ କିଜି ଇର୍ହାନ୍‌, "ଏ ପ୍ରବୁ, ନିନ୍‌ ଜଦି ବଦା କିନି, ନାଙ୍ଗିଁ ନେଗେଣ୍ତ୍‌ କିଦେଙ୍ଗ୍‌ ଆଟ୍‌ନି ।"

3 ଜିସୁ କିୟୁ ପେର୍‌ଜି ୱାନିଙ୍ଗ୍‌ ମୁଟ୍‌ସି ଇର୍ହାନ୍‌, "ନାନ୍ ବଦା କିଜିନା, ନେଗେଣ୍ତ୍‌ ଆଆ ।" ଦାପେ ଦାପେ ଆୟା ଲୋକ୍‌ତି କୁସ୍ଟରୋଗ୍‌ ନେଗେନ୍‍ଆତାତ୍‍ । 4 ଜିସୁ ୱାନିଙ୍ଗ୍‌ ଇର୍ହାନ୍‌, "ୱେନ୍‍ଆ, ଜାଗାର୍‌ତା, ନିନ୍‌ ଏଣ୍ତେସ୍‌ ନେଗେନ୍‍ଆତି, ଏଙ୍ଗ୍‌ବା ଇନିକା ଇନ୍‍ମା; ମାତର୍‌ ସିଦା ଜାଜକରି ମାନୁ ସଲ୍‌ସି ନିଜେଦିଙ୍ଗ୍‍ ତରାଇଆଆ ମାରି ମୋସା ନେଗେନ୍‌ ଆତିମାନି ଇଜି ୱିଜେରିଙ୍ଗ୍‍ ସାକି ସିଦେଙ୍ଗ୍‍ ଇଜି ମୋସାଦି ଆଦେସ୍‌ ସିତିମାନି ପୁଜା ସିଆ ।"