ఆది 45

యోసేపు తాన్ ఎన్దో ఓర్కీ పర్తేకాద్

1 యేసేపు తనే పరివార్ ముడట్ తనెత్ ఇంకా తమ్ ఇదర్సేట ఔరడ్ "నిర్ సదర్ అన్నతనట్ సేర్" ఇసా జోరనట్ ఇడ్తేద్. యోసేపు తనే దాదకేర్ తన్ ఇడ్తేంద్ అమ్నంతి ఇంక ఎరీ తొతేర్. 2 మరి అమ్దు జొరనట్ అర్తేంద్, ఇసా ఐగుప్తు జవన్ రాజు ఎల్లతరుఙ్ అద్ విన్క వత్తిన్. 3 అప్పుడ్ యోసేపు అనే అన్నక్ తొరెల్నున్ "అన్ యోసేపు. నేడె బాంద్ ఇంకా బత్కుతి అండద్?" ఇంతేంద్. మరి అమ్నే సమక్సముత్ అమ్నె అన్నక్ తొరేల్ లంకిపాడుత్ ముతినాడ్ గొట్టి కురియెతిన్ తనేది ఇడ్డేఙ్ సాలెతెంద్.