Gênesis 47

యాకోబు ఐగుప్తుతు స్దరపడెకాద్

1 యోసేపు సేత్న రాజు "అనే బాంద్, అనే తోరేల్ ఔరు మందలడ్, డొర్యాకెవ్ కొదా ఔరున్ అండ అదవ్లాడీ కనానుదేసాం తనా వత్తేర్. ఇండి ఔరున్ గోసెను ప్రదేసంముత్ అండర్" ఇత్తెంద్. 2 అదున్ పేలె యోసేప్ తనే అన్నక్ తోరేడ్ల ఐద్గురున్ తొడ వత్తేద్ ఇండి ఔరున్ రాజున్ ముడట్ ఇల్పతేంద్. 3 రాజుంద్ అమ్నున్ అన్నాక్ తోరేడ్ల "ఇమ్మత్ ఓల్లుత్?" ఇసా వేల్తేంద్. ఔరు 4 ఔరు రాజునడ్ ఇంకా ఇంతేంద్. "అమ్ ఈ దేసాంముత్ కోన్నీ సాల్కులీ అనేంఙ్ వత్తం. కనాను దేసంముత్ కరువ్ కాలం ఎద్దిన్ ఇసా అంతి ఇమే దాసు అమే జన్వరలున్ మెత తొతేద్. దయ కత్ ఇమే దాసు అమున్ గోసెను ప్రదేసమున్ బత్కేఙ్ సేర్ ఇంతేంద్." 5 యోసేపు రాజు "ఇనే బానే, అన్నక్ తోరేంల్ ఇన్నతీ వత్తేర్. 6 ఐగుప్తు దేసాం ఇమే ముడటీ అండద్. ఐగుప్తు పురా ప్రదేసాలంతి సొయ్ అనేకంతి ఇనే బనున్ అన్నక్ తొరేలున్ ఔరున్ బతక్కు ఓలిప్. ఔరు గోసెను బత్కేఙ్ వంద్. ఔరున్ ఎరేనా సమర్దులున్ ఇనుఙ్ ఎద్దే ఔరున్ అనే సైన్యాదిపతి జన్వర్లున్ గాయ్కి ఇడ్." 7 మల్ల యోసేపు తనే బాంద్ యాకోబున్ లొప తొడవత్నా రాజు ముడట్ ఇట్టేద్. యాకోబ్ రాజు ఆసిర్వద్ సియ్తెంద్. 8 రాజు "మీ వయ్ ఎంతే?" ఇసా యాకోబు వేల్తే, యాకోబు రాజునడ్, 9 "అనే జీవితయాత్ర నూట ముప్పయి సాల్కు. అన్ బత్కతా దినా కొన్ని అద నారజ్ ఎద్ద. అద అనే పూర్వీకుల జీవితయాత్రత్ సాల్కు ఎరేతే" ఇస రాజులడ్ ఇంతేంద్. 10 యాకోబు రాజు ఆసిర్వద్ సియుత్ అమ్నే సమ్క్సముత్ వకా సేద్దేద్. 11 రాజు అగ్య సీతేతి యోసేపు తనే బానుఙ్ అన్నక్ తోరేనుఙ్ ఐగుప్తు దేసాం అంతేతనట్ సొబతద్ ప్రదేసంముత్, ఇంతే రామెసేసు ప్రదేసాంముత్, బూమి సియుత్ నివాసస్ధ తయర్ కత్తేర్. 12 ఇంకా యోసేపు తనే బనున్ తనే అన్నక్ తొరేనున్ తనే బానె కుటుంతర్ సిమ్కనన్ పొరయ్సా, ఔరె పొరకెరె లెక్కనడ్ ఔరుంఙ్ తినెకవున్ సియ్సా వాత్తన్.

ఐగుప్తుఙ్ కర్వు

13 ఆ కర్వు గులెన్ జొరతదున్ వాలడ్ ఆ దేసుత్ తినెకాద్ ఎత్తిని అన్సెట ఎద్దిన్. కర్వుఙ్ వాలడ్ ఐగుప్తు దేస్ కనాన్ దేస్ కటిన్ పరిస్తితింఙ్ వత్తెన్. 14 దానెలుంఙ్ సాటి మంది పైసె తొడ వాత్తెర్. ఇనంఙ్ యోసేపు ఐగుప్తు దేసెముత్ కనాన్ దేసెముత్ రోబడెకా పైసె సిమ్కన మిరపుత్న, అదవులున్ రాజునే బంగ్లఙ్ కొర్గతెర్. 15 ఐగుప్తు దేసముత్ కనాను దేసంతర్ అనేకా బాకి కర్జ కత్తే ఐగుప్తు యోసేపు నంతిఙ్ వత్ "అమ్ముఙ్ తినేంఙ్ తిండి సియ్గలుర్. ఇమే ముడట్ అమ్ తనుంఙ్ తిక్దుముఙ్? అమే బాకి పురా తిర్తేవ్" ఇంతేంద్. 16 హయ్, ఇమే పైసె తిర్తేవ్ ఇంతే "ఇమే జన్వర్లున్ సియుర్. ఇమే జన్వరలే బద్లి దానె సిసాతుమ్" ఇంతేంద్ యోసేపు. 17 అదుఙి ఔరు తమే జన్వర్లున్ యోసేపు నంతిఙ్ తొడ వత్తేర్. యోసేపు అవ్రే గుర్రాలున్ గొర్రేల మందలున్ డోర్యకేవున్ కొదా మందలున్ గాడ్దిక్ కున్ వేలుత్ ఇట్టేంద్ ఔరున్ తినేంఙ్ తిండి సియ్తెంద్. ఆ సాల్ ఔరు మందలున్ బద్లి అమ్దు దానె ఔరున్ సియ్తెంద్. 18 దెయ్యం యెహోవా అ సాల్ ఎద్ద వెన్కత్ మల్ల సాలుత్ ఔరు అమ్నంతి వత్ ఇనంఙ్ ఇంతేర్. "అమే బాకి పురా తిర్తేవ్. ఆ సంగతీ అమే మల్కాక్ ఎద్ద నీవ్ ఇనుంఙ్ డాపేతం. అమే డోర్యకేల మందలున్ జన్వలుంఙ్ గీన అమే మల్కాక్నీ నీవ్ ఇమ్మెవీ ఎద్దే. అమే మల్కాక్ ఇనే ముడట్ మిక్తావ్ అమే సరీర్ అమే బూమిక్ మాత్రమీ. 19 ఇమే కన్ల్ ముడట్ అమే బూమిక్ అమ్ తనుంఙ్ నాస్టం ఎద్దుమ్? తిండి సియుత్ అమ్మె బూమికున్ సుమ్ము, అమే బూమిక్ వెంట అమ్ రాజు దాసు ఎర్సతుమ్, అమ్ బత్కననాఙ్ అమ్మున్ దానె సియుర్." అప్పుడ్ అమ్ తిక్కేమ్, ఈ దేసాం కరబ్ ఎరేద్. 20 ఈ విదమడ్ యోసేపు ఐగుప్తు బూమిక్ పురా రాజున్ సటి సుమ్మతేంద్. ఆ కర్వు ఐగుప్తు తారున్ కుబ్ ఎనా అనేకదున్ వలాడ్ ప్రతీ ఒక్కొద్ తనే కేనున్ విటేద్. ఇనంఙ్ అ బూమిక్ పురా రాజున్ ఎద్దే. 21 మల్ల యోసేప్ ఐగుప్తున్ అ కొన ఎన్ అనెక మందిన్ పురా ఊరుఙ్ వర్గతేంద్. 22 యాజుల బూమికున్ మత్రం అమ్దు సుమ్మెతెంద్. తనుంఙ్ ఇంతే. యాజులున్ రాజు బత్యం నియమింస్తేంద్. ఔరు తమ్మున్ రాజు సీత తిండి తిన్నేర్ ఇసా తమ్ బూమికున్ విరేతెర్. 23 యోసేపు మందిన్ ఇంతేంద్, "ఓలుర్, ఈనేడ్ ఇమ్మున్ ఇమే బూమికున్ రాజున్ సటి సుమ్మతన్. ఇద్దో, ఇమ్మున్ విత్తనా. కేనుత్ విత్తుర్. 24 పంటత్ ఐదొవ బాగం నిర్ రాజున్ సియుర్. నాల్గోవ బాగం ఇమ్మేత్ ఎద్. ఇసా కేనుత్ మల్ల విత్తనా విత్తేంఙ్ సటి, ఇమ్మున్, ఇమే సినపరుఙ్ ఇమే కుటుంబముఙ్ తినేంఙ్ తిండిన్ సటి అండద్." 25 దెయ్యం యెహోవా ఔరు "ఇమె పానలున్ బత్కితిర్. అమే మల్కాక్ నిర్ అమ్మున్ దయనడ్ కత్ అమ్ రాజు దాసు ఎర్సతుమ్" ఇంతేర్. 26 ఐదొవ బాగం రాజున్ అనీ యోసేపు ఐగుప్తు దెసమున్ చట్టం నియమింస్తేర్. అద్ ఇండిదుక్ ఇలుత్ అండద్. యాజులు మాత్రమి రాజు ఎరేద్.

యాకోబునే అక్రీ కోరికా

27 ఇస్రాయేలీయులు మంది ఐగుప్తు గోసెను ప్రదేసమున్ బత్కతేర్. అంతి ఔరున్ ఆస్తి అండిన్. కుబ్ మంది సినపర్ జన్మల్తేర్. అవ్రె సంక్య కుబ్ పెర్రేత్ మంది. 28 యాకోబు ఐగుప్తుత్ బత్కనేర్ సాత్రా ఎన్లు. యాకోబు బత్కతా కాలముత్ నూట నల్పై ఏడ్ సాల్కు. 29 ఇస్రాయేలు అవసాన కాలం మెరా స్తుతి ఎరేఙ్ ఇసా తనే కికే యోసేపు కుగుత్. "నీవ్ అన్ అబీమనడ్ ఓల్సతీవ్ అన్ వలాడ్ కరేయ్ దయనడ్ ఓల్సతీవ్ ఇసా ఇనే కేయ్ అన్ కుద్గుత్ ఇడుత్న నమ్మకం కల్ అన్ ఐగుప్తుత్ పుర్పనేం. 30 అనే బాంద అమ్మన్ మెరా అనే సరీర్ అన్నాన్ అన్ ఐగుప్తు తనా తొడ సే, ఔరున్ తప్నె బూమిత్ పురుప్ ఇంతేంద్." 31 యోసేపు "హయ్, నీవ్ ఇడ్తేతి కల్సతున్" ఇంతేంద్ యాకొబు "అనుఙ్ ఓట్టు ఇడ్" ఇంతేంద్. అమ్దు వాగ్దానం కత్తెంద్. అప్పుడ్ ఇస్రాయేల్ తనే మంఙ్ఙెకా జాగత్ మడియుత్ దెయ్యంముఙ్ అరాదనా కత్తేర్.