12 muboka ibo Tate bakatithama kuti 1.12 tibe dzimwe whalo whulukugwi dzoti mubetibe negobe munhaka yebayengemali mutjedza. 13 Ibo bakatibvubula kubva mumasimba ehhalima, bakatihhisa kubumambo gweNkololo wabo unodikala, 14 muwunli takasunungugwa, kuleba kuti, yetigwa mazwibhatigwa matjinyo.
Nhu unoyi Khirisitu neN’hingo uwe
15 Khirisitu umfananidzo weNdzimu usingabon’we, ndiye mbano yembumbiko yose, 16 ngobe muwunli zwinhu zose zwakabumbiwa, zwikudzimu nezwimuhango, zwinobon’wa nemeho nezwisingabon’we, kungabe zwigalo zwebuhe kene butongi kene masimba emeya kene butungamili; zwinhu zose zwakabumbiwa muwunli kakale zwibumbigwa iye. 17 Khirisitu waka elipo zwinhu zose zwisanhu zwikabepo, kakale muwunli zose zwinhu zwimubugalo gwazo gwakatambunuka.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)