Makombolelo eMeya muna Khirisitu
3 1.3 2 BaKho 1.3. Ngakulumbidziwe Ndzimu Tate baHe Yesu Khirisitu wedu, bakatikombolela iswi muna Khirisitu nemakombolelo ose emeya amubugalo gwekudzimu, 4 ngobe bakatihala nentha yaKhirisitu kusanhu kukabumbiwa hango, kuti tibe bakayengemala kakale basina nlandu mbeli kwabo.
Nentha yeludo gugwe 5 wakatihala kale kuti tibe bakololo1.5 bakololo kungabviwa bana (kuhanganyiwa nebakadzi) babe muna Yesu Khirisitu, nentha yekuti kwakakuwhunhanisa nekuti ndiko kwaakabe ehaka thama, 6 1.6 BaK 1.13.kuti kulumbidziwe ngoni dzidze dzihhele gudzo dzaakatipa mpho akasununguka muna Unodikala. 7 1.7 BaK 1.14.Muwunli tina lusununguko ngelopa lile, ngeyetigwa mazwibhatigwa matjinyo edu, kuyendidzana nebukulu bengoni dzidze 8 dzaakatipa nebunji gwadzo mubutjenjebvu nangekuwhisisa, 9 wakayeta kuti tizibe tjakasumbikala tjekuda kukwe, kuyendidzana netjaaka ehaka tjaakapeleledza kale muna Khirisitu 10 1.10 BaG 4.4. sendongoloso yeswika kwehhadzisika kwelubaka, hanganya zwinhu zose zwibe kusi kwentungamili un’ompela muna Khirisitu, zwinhu zwikudzimu nezwinhu zwimuhango.
11 Muwunli, kuyendidzana nendongoloso iye iwhoyo unothama zwinhu zose kuyendidzana netjinangwa tjekuda kukwe, 12 iswi bakagalabgwe kutanga muna Khirisitu, takahaligwa kuti titjilile lumbidziwa kwegudzo lile.
13 Muwunli, imwi bo makawha dama lelebeswa, iyo ndebo mbuya yetjidziwa kwenyu, mukagalamoyo muwunli, makatjayiwa lutjayo gweMeya Yakayengemala yaakagadzabgwe, 14 1.14 2 BaKho 1.22.meya ili iyo tjigadzabgwe tjenhaka yedu kudze kuwan’we lusununguko gwa ibabo babe, kudze kuti gudzo lile lilumbidziwe.