Lucas 9

38 Na munhu imwe munaulung’husesa luja lwa wanhu kalandula dizi jake, "Mfundiza! Nokulamba umulole mwanangu, ni mwanangu yaidumwe. 39 Chinyamkela chinzenzeula na kumtenda yagute nyangi, kaidi chonguma chisango na hovu domulawa muumulomo, na hachimuleka hima! 40 Niwalamba wanahina wako wamulave chinyamkela iyo, mbali wapotigwa."

41 Yesu kawedika, "Vino mweye wanhu wa ulelo uno ulibule uhuwilo na uli na uhasanyi! Vino nizakala na mweye mbaka lini?" Maabaho kamulongela munhu ija, "Mgale imwana wako hano."

42 Mbwanga ija viyezile, chinyamkela chimbwanha hasi na chinguma chisango. Yesu kachibwakila chinyamkela na kumuhonya mwana ija, maabaho kambweleza kwa tati yake. 43 Wanhu wose wazanywa kwa udaho mkulu wa Mulungu.

Yesu kolonga mwanza wekaidi mbuli ya ifa yake

Wanhu viwakalile wang’hali wokwazanywa na vinhu viyatendile Yesu, kawalongela wanahina wake,