7 Ɗalapa tasi shɔ nyaba gbete Suru shɛshi shɔ yɛtɔ a nyaba wɔyi a ko-pi yuu piya nɛ shɔu pɛli vitɔ̃vɨng awuni piti kpai. 8 Ji suru gbetenkɔ ã shɔwɔ sẽrẽ a ã wɔɔ sẽrẽ vizɛnɛ. 9 Shɔgbete wɔ shɔ ãu suru sẽrẽ gbete yɛ ã sisɨn a shɔwɔ bi a shɔ ã shɔwɔ kaka shɔ gati. 10 Suru wɔ ã shɔzɛ gbete wɔ kaka vibii zaanɛ shonɛ; shɔwɔ suru shɔ Ɗalapa nyaruubii nwarinɛ; shɔwɔ shɔ ãu pɛ nyaba vi ãnɛ gbete au shɛ a Ɗalapa Suru naa vɔsinɛ a suru gbete ɓa Ɗalapa ɓɛɛ ɓa. Shɔ ã shɔgbete wɔ shɔzatiyi nyakoo ntanɛ, shɔwɔ ma shɔ ãu Suru gbete yɛ tasi shɔ dɔɔ ruugbete shɔ shayɛ. 11 Ama jo Suru gbetenkɔ pɛli vim jorɛ piti kpai; naa gbete kasiyɛ, ã shɔzɛ tot-tot vi ko-pi shɔgbetepiya.